Mariña, 2 de novembro de 2021. A sexta andaina de outono de A Mariña en Ruta seguirá este sábado, 6 de novembro, por Barreiros. Esta iniciativa da Mancomunidade de Concellos da Mariña continuará todos os sábado do mes de novembro e tamén o 4 de decembro. Santo Estevo do Ermo, o Camiño do Norte, o Viveiro industrial, Portocelo en Xove ou O Vicedo serán as próximas paradas.
As persoas interesadas en gozar de A Mariña en Ruta poden atopar información e facer a reserva de prazas en https://amarinalucense.gal/es/a-marina-en-ruta e para calquera consulta poden contactar a través da seguinte dirección de correo electrónico: enruta@amarinalucense.gal e o teléfono +34 690 61 47 49.
O pasado sábado, 30 de setembro, tivo lugar a ruta por Riotorto Terra de ferro e soños da man de Guido Álvarez, guía oficial de Galicia, e Pedro Rolle, técnico forestal e do medio natural, que esgotaba xa dende días previos á actividade todas as prazas. Durante esta ruta os participantes puideron percorrer este territorio comezando no Mazo de Ferreiravella, cunhas pequenas pinceladas introdutorias do traballo ligado ao ferro. Logo, chegou o momento de facer a Ruta do Ferro, un sendeiro que transcorre pola beira do río homónimo. Durante o primeiro tramo, Pedro Rolle foi introducindo aos sendeiristas no bosque de ribeira, as árbores autóctonas, as plantas medicinais e a contorna natural. Ao chegar ao núcleo do Mazo, foi Guido Álvarez quen explicou mais en detalle o mundo dos ferreiros, un oficio que forma parte da identidade da Mariña Lucense e deste concello de enorme beleza.
Rutas de Artesanía
Por outra banda, estes días tivo lugar a primeira fin de semana de actividades das III Xornadas de Portas Abertas das Rutas de Artesanía que se desenvolveron do 29 ao 31 de outubro e discorreron pola Pontenova, Mondoñedo e Viveiro coas prazas completas e cunha bo acollida entre o público participante, procedente da propia comarca, pero tamén do resto de Galicia, Asturias e Madrid. Nesta ocasión a iniciativa está sendo destinada aos profesionais do turismo, da hostalería e do comercio da comarca, das axencias de viaxes e dos centros educativos de Galicia así coma ao público e xeral.
O venres tivo lugar a inauguración destas III Xornadas de Portas Abertas das Rutas de Artesanía na Pontenova, cun acto de benvida e presentación do proxecto aos participantes por parte do alcalde, Darío Campos, o presidente da Mancomunidade, Fran Cajoto, o artesán e ferreiro local J. Rodil e a Xefa de Área Provincial de Turismo en Lugo, Paloma Vázquez. Logo comezaron as xornadas cunha visita guiada polo patrimonio industrial e natural da localidade a través da Ruta dos Fornos e a visita ao ferreiro local J.Rodil. O sábado foi a quenda de Mondoñedo, cunha visita ao obradoiro de monicreques de Ton Arenas, ao Barrio dos Muíños cunha introdución ao resto de obradoiros artesáns, ao taller de lá La Botica del Abuelo e a audioguía ficcionada Mondoñedo e familia. O domingo remataba esta fin de semana coa visita a Otero Regal, ao casco histórico da cidade e á exposición permanente antesala dun museo no casco histórico de Viveiro.
Estas III Xornadas de Portas Abertas das Rutas de Artesanía continúan do 12 ao 14 de novembro, con algunha praza libre para a visita ao Barco Museo Reina del Carmen e ás redeiras Cabo Burela e lista de espera para a ruta dos Asteleiros Fra e Espazo Caritel.
Ambas iniciativas están organizadas pola Mancomunidade de Concellos da Mariña Lucense baixo o convenio asinado coa Axencia de Turismo de Galicia e co apoio da Deputación para a súa promoción.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
