A Mariña, 29 de outubro de 2021. Boa acollida das III Xornadas de Portas Abertas das Rutas de Artesanía, que organiza a Mancomunidade de Concellos da Mariña e que arrincan hoxe mesmo na Pontenova. Nesta ocasión están destinadas aos profesionais do turismo, da hostalería e do comercio da comarca, das axencias de viaxes e dos centros educativos de Galicia así coma ao público e xeral.
As Xornadas deron comezo esta tarde na Pontenova co paso polo taller de Rodil, ferreiro participante deste municipio e cunha visita guiada da man do técnico de turismo municipal Carlos Morado. Mañá, sábado, será a quenda de Mondoñedo, cun percorrido polo barrio artesán por excelencia, o dos Muíños, con visita este ano aos monicreques de Ton Arenas, ao obradoiro de La Botica del Abuelo e ao centro histórico da cidade coa Audioguía Ficcionada Mondoñedo e Familia. E este domingo a iniciativa chegará a Viveiro coa visita ao ceramista Otero Regal e á exposición permanente antesala dun museo no casco histórico de Viveiro.
O 12 de novembro as III Xornadas de Portas Abertas das Rutas de Artesanía seguirán en Burela coas redeiras Cabo Burela, colectivo que mantén vivo este tradicional oficio, e a visita ao Barco Museo Reina del Carmen, antigo boniteiro que o Concello recuperou para convertelo nun espazo de recuperación da cultura mariñeira e de atracción turística no porto máis importante de España na pesca e comercialización do bonito. O día 13 a iniciativa chegará a Cervo coa visita ao estaleiro de carpintería de ribeira de Francisco Fra, con mais de 200 anos de historia, e ao Museo Provincial do Mar. As xornadas rematarán o 14 de novembro en Foz coa visita ao artesá e artista plástico Daniel Caxigueiro e ao seu espectacular xardín botánico, un percorrido pola Basílica de San Martiño de Mondoñedo ou pola fervenza de Santo Estevo do Ermo en Barreiros. Todas as visitas correrán a cargo de Noela Feal, que é guía oficial de Galicia e artesá.
Desde a Mancomunidade de Concellos da Mariña Lucense a súa axente de Desenvolvemento Turístico, Tania Hermida, subliña que “a Ruta dos Ferreiros e a que faremos a estaleiros Fra están completas, a de Espazo Caritel témola a puntiño de completarse e para o resto queda algunha praza”.
As actividades son gratuítas e inclúen a visita a un ou dous obradoiros e ás propostas complementarias. Para participar é preciso reservar en turismo@amarinalucense.gal ou no teléfono 636.737.608, xa que as prazas son limitadas.
O presidente do ente, Fran Cajoto, recalca “a importancia que teñen estas iniciativas para desestacionalizar o turismo ofrecendo diferentes alternativas das que poden gozar durante o outono tanto as veciñas e os veciños da Mariña como aquelas persoas que se achegan á nosa comarca para descansar nesta época do ano, para pasar unha ponte festiva ou unha fin de semana diferente”.
Cajoto engade que “estamos satisfeitos coa acollida que están a ter estas Xornadas de Portas Abertas das Rutas de Artesanía, ao igual que con A Mariña en Ruta, a outra iniciativa que temos en marcha e que concluirá na primeira fin de semana do mes de decembro”.
As III Xornadas de Portas Abertas das Rutas de Artesanía arrincaron esta tarde na Pontenova. No acto de inauguración participaron o alcalde, Darío Campos, o presidente da Mancomunidade, Fran Cajoto, o ferreiro Rodil, e Paloma Vázquez, xefa da Área de Turismo da Xunta en Lugo.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
