Lugo, 23 de outubro de 2021. O PP da provincia de Lugo lembra que “os Orzamentos do Goberno galego son os máis altos da historia e incrementa 67 millóns de euros con respecto ao ano pasado na nosa provincia, á que volven destinar o maior gasto por habitante de Galicia (4.926 euros per cápita)”. Ademais, defenden que “as Contas do Goberno galego se centran nas persoas, blindan os servizos públicos e apoian ás familias e traballadores reducíndolles as cargas fiscais”.
Os populares aseguran que “o PSOE falta á verdade na súa análise dos orzamentos da Xunta e está deslexitimado para falar de desprezos dado que representa ao proxecto político que máis dano intenta facer á provincia. Nin sequera cumpren cos acordos adoptados nas distintas institucións co seu apoio. Vemos como o Goberno de Pedro Sánchez fai oídos xordos ante os acordos sobre Alcoa, mentres o PP presentará emendas para pedir o abaratamento dos custes enerxéticos para as industrias hiperelectrointensivas. Sánchez dá as costas aos mariñáns a pesar de que incluso o presidente da Deputación se manifestaba recentemente a favor da intervención temporal de Alcoa coincidindo co que demandara o presidente da Xunta no Debate do Estado da Autonomía. Feijóo pediu tamén ao Goberno de Sánchez implicación con Vestas para evitar que os seus traballadores vaian á rúa como consecuencia das desacertadas decisións do Executivo central en materia enerxética”. Do mesmo xeito, “despreza aos gandeiros lucenses ao non escoitar as peticións para excluír ao lobo do listado de especies en réxime de protección especial que permitiría facer unha xestión ao respecto”.
Dende o PP provincial defenden políticas de crecemento económico e de reequilibrio territorial que favorezan o asentamento da poboación nos municipios da provincia. É por iso polo que destacan que a Xunta destine á provincia de Lugo “o maior gasto por habitante de Galicia e que avance na vertebración da provincia” -corredor Nadela-Sarria, arranxo de estradas autonómicas coma a do Eixo Begonte, Friol, Palas, a da Gañidoira ou a de Folgos do Courel-. Pola contra, condenan que “os Presupostos Xerais do Estado desatendan as necesidades en materia de infraestruturas e non melloren as comunicacións por estrada da nosa provincia: fían todo ao tren eliminando as tres variantes que permitirían reducir o tempo de viaxe entre Lugo e Ourense. Ningún avance tampouco sobre a autovía da Mariña nin para a de conexión con Ourense e aprazan a finalización da autovía a Santiago”.
En relación ao Porto Seco, lembran os populares que “é o Goberno central o que ten bloqueada a obra de enlace coa N-120: é un sinsentido que os socialistas pidan novos investimentos nesta plataforma loxística, cando resulta imprescindible a súa conexión coa estrada nacional”.
O Goberno galego está pegado á realidade
“A Xunta de Galicia cumpre cos proxectos prometidos para a provincia en materia de infraestruturas, tamén recollendo melloras sanitarias -remate do Centro Integral de Saúde da Residencia, novo centro de saúde en Antas e equipamento sanitario para os centros hospitalarios-; en materia de saneamento coas EDAR de Viveiro, Burela e Foz, por poñer algúns exemplos. Pola contra, o Goberno de Pedro Sánchez non cumpre o que promete. E non o dicimos nós, pódense comprobar os datos da Intervención Xeral do Estado que confirman que deixou sen executar na nosa Comunidade máis de 1.400 millóns de euros”.
“Mentres o Goberno galego está pegado á realidade que nos toca vivir procurando a reactivación económica de Galicia, mellorando servizos e cadrando as contas ao mesmo tempo ao mesmo tempo que continúa a baixar os impostos; o Goberno do Estado hipoteca aos lucenses coa súa subida (impostos de sucesións, transmisións patrimoniais, matriculación de vehículos); ademais de afogar ás familias coa subida do diésel, a gasolina, o butano e a luz que está a afogar tamén aos autónomos e pemes. Non é o mesmo que gobernen uns que que gobernen outros. Hai outra forma de facer política”, sinalan os populares.
Inciden tamén en que “os Orzamentos da Xunta inclúen o maior gasto social en materia de sanidade para infraestruturas e equipamento, tamén en educación para infraestruturas e dixitalización, políticas sociais que inclúen a gratuidade das garderías dentro da estratexia contra o reto demográfico e o incremento da aportación da Xunta para o SAF en 70 millóns ata o 2024, e emprego”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
