Santiago de Compostela, 20 de outubro 2021. O BNG volveu censurar hoxe no Parlamento galego a “inacción do PP na Xunta” ante a crise industrial que sofre A Mariña e, neste contexto, defendeu unha proposición non de lei, en concreto sobre VESTAS, para que a Xunta realice todas as medidas necesarias para parar o ERE e garantir o mantemento dos 115 empregos na factoría, unha medida que acadou a unanimidade da Cámara.
Na mesma iniciativa, o deputado nacionalista Daniel Castro propuxo tamén que o Goberno galego realice tamén as modificacións legais necesarias para o impulso de Plans de Desenvolvemento Industrial asociados ás novas instalacións eólicas nas que se terá en conta a construción de compoñentes e subministros no noso país e a vinculación a proxectos de xeración de valor engadido. E, por último, a posta en marcha dun Plan de Emprego e Industrialización para A Mariña, co obxectivo de impulsar o desenvolvemento industrial e empresarial da comarca. Sen embargo, estas dúas medidas, consideradas por Castro como “vitais”, foron vetadas polo PP.
Sobre VESTAS, Castro advertiu ao Executivo do PP que ten as competencias en industria: “están dicindo que non son capaces nin de parar o ERE?”, cuestionou con severidade, para recordar a continuación que a responsabilidade de que exista o marco legal que permite este ERE é a reforma laboral do PP e aínda con isto e pese a levar gobernando en Galiza 12 anos e cunha consellería propia “que pode decidir sobre a industria do noso País” nin tomou ningunha medida, nin tampouco desenvolveu ningunha actuación para frear o peche de VESTAS.
Logo de recordar na comisión parlamentaria de Industria que o propio presidente da Xunta, Núñez Feixóo, sinalou en 2011 a VESTAS como “exemplo de emprego”, que hai tan só un par de anos foi o conselleiro de Industria o que falaba “de futuro prometedor no vinte aniversario da factoría”, criticou cun sinxelo interrogante: “pero en 2021, nestas semanas, onde estaban vostedes, que fixeron?”.
O deputado nacionalista pola Mariña reprobou ao grupo parlamentario do PP que volvera unha vez máis durante o debate parlamentario ao seu habitual “pim pam pum” co Goberno central botando balóns fóra, “cando todos os mariñáns e mariñás xa saben perfectamente que vostedes teñen todas as competencias en industria e que a 9 días de que acabe o proceso de negociación a Xunta non conseguiu nin que se alongase este proceso, nin que se parase o ERE, nin un comprador, nin un proxecto alternativo: a nada en absoluto”, concluíu.
Ademais de que a Xunta interveña de xeito urxente neste curto prazo para cando menos deter o ERE, considerou fundamental que no caso de novos proxectos industriais, como por exemplo no sector eólico, “ademais de cumprir coa legalidade, teñan que garantir que parte da súa construción e subministros se fagan no País”. Para Castro, trátase de “quitarlle o cartel de ‘se vende’ que o PP lle puxo a Galiza hai anos”, aínda que recalcou que para o Executivo Feixóo “é mellor poñer a Galiza nunha especie de Idealista ou de Fotocasa para empresas para que veñan aquí e esquilmen o que queiran, se forren e cando lles veña mellor outro lugar no mundo porque alí terán que pagar menos, marchen e deixen á xente no paro”.
O deputado mariñán do Bloque criticou a falta de política industrial da Xunta na comarca e os efectos devastadores que supón a súa inacción. “Industrias Pardiñas, Parquets Lorenzo, Ecar, Mobles Hermida, Construcións Mon, Ecesa, Conservas Alonso, Gres Burela, Costiña ou Sargadelos non son nomes soltos que se perden co paso do tempo, son persoas que quedaron sen emprego na comarca durante o Goberno do PP, sumando máis de 1.000 empregos directos destruídos e ao que agora hai que sumarlle a incerteza de Alcoa e de VESTAS que elevarían esta cifra a máis de 1.500”, censurou.
Por iso, considerou urxente o desenvolvemento dun Plan de Industrialización propio para A Mariña que o BNG leva reclamando dende hai anos e que o PP volveu rexeitar hoxe no Parlamento galego, fronte ao que se manifestaron as e os traballadores de VESTAS e aos que Castro trasladou o apoio do Bloque.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
