A Mariña, 15 de outubro de 2021. A principios deste mes de outubro chegaba unha nova edición de A Mariña en Ruta, que organiza a Mancomunidade de Concellos para axudar á dinamización da comarca no outono. O obxectivo pasa por atraer escapadas de fin de semana para os galegos e as galegas e para as comunidades autónomas máis próximas, así como dar a coñecer o territorio dun xeito ameno e diferente á propia poboación local.
O presidente da Mancomunidade, Fran Cajoto, lembraba na presentación do programa que tivo lugar o 27 de setembro no Cenima que “o proxecto A Mariña en Ruta, promovido pola Mancomunidade de Concellos, co apoio da Xunta de Galicia para a súa coordinación e execución e da Deputación de Lugo para a promoción en medios, consiste nun programa de rutas e actividades en torno á cultura e á natureza que durante esta edición dotará á Mariña Lucense dunha oferta turística complementaria suxerinte e ao aire libre”. E explicaba que “o obxectivo do programa é axudar na dinamización da comarca durante o outono e provocar, ademais de que a propia poboación local poda descubrir mais aspectos sobre a súa comarca, escapadas de turismo interno de Galicia e das comunidades autónomas próximas axudando na reactivación do turismo fóra de tempada nesta época marcada pola covid19”.
Esta edición, coa colaboración da empresa de turismo activo Volta Montana para a súa coordinación e execución, ven supoñer a valorización do entorno natural, a historia, a etnografía e a arqueoloxía da Mariña Lucense a través de 10 roteiros que se están a realizar durante os meses de outubro, novembro e principios de decembro nos concellos de Trabada, Burela, A Pontenova, Riotorto, Barreiros, Lourenzá, Viveiro, O Vicedo, Xove, Mondoñedo e Alfoz.
Rutas de novembro
As rutas abarcan dende os paraxes naturais de Santo Estevo do Ermo en Barreiros ou o Camiño de Santiago do Norte dende Lourenzá ata a esencia do Viveiro industrial, o xacemento arqueolóxico de San Tirso de Portocelo en Xove ou unha camiñata entre volcáns no Vicedo. Trátase dunha oportunidade fantástica de coñecer A Mariña Lucense dunha forma auténtica:
Santo Estevo do Ermo, paraxe natural, Barreiros. Con Sofía López, guía oficial de Galicia. Sábado 6 de novembro.
O Camiño de Santiago do Norte na Mariña Lucense. Con Claudia del Pino, guía oficial de Galicia. Sábado 13 de novembro.
Viveiro industrial e as lendas. Con Noela Feal, guía oficial de Galicia. Sábado 20 de novembro.
Camiñata polo paisaxe cultural de Portocelo, Xove. Con David Fernández, arqueólogo. Sábado 27 de novembro.
Camiñando entre volcáns, O Vicedo. Con Fran Canosa, geólogo. Sábado 4 de decembro.
Cajoto subliñou que “dende este venres xa é posible facer a reserva para os diferentes percorridos de novembro e do 4 de decembro que levan aos participantes a coñecer dun xeito moi interesante os tesouros da Mariña Lucense, da man de profesionais expertos no territorio e de diferentes disciplinas coma: Pedro Rolle, Guido Álvarez, Boris Vilar, Lidia de la Fuente, Sofía López, Claudia del Pino, Noela Feal, David Fernández ou Fran Canosa. Polo que animo a todo o mundo a inscribirse e desfrutar destas actividades, tanto das que quedan para este mes de outubro en Burela, A Pontenova e Riotorto como as 5 rutas seguintes por Barreiros, Lourenzá, Viveiro, Xove ou O Vicedo”
As rutas están tendo lugar os sábados de outubro, novembro e o 4 decembro, agás a primeira, que tivo lugar o domingo 3 de outubro. Teñen unha duración de 2 a 3 horas e poden participar en cada unha un máximo de 25 persoas mais a/o guía. O prezo é de 5 euros (individual), 8 euros (parella) e 12 euros (familiar ou grupo de ata 5 membros).
As persoas interesadas en gozar de A Mariña en Ruta poden atopar información e facer a reserva de prazas en https://amarinalucense.gal/es/a-marina-en-ruta e para calquera consulta poden contactar a través da seguinte dirección de correo electrónico: enruta@amarinalucense.gal e o teléfono +34 690 61 47 49.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
