Ribadeo, 11 de outubro de 2021. O Concello deseñou unha proposta de actividades complementarias para todos os centros de ensino de Ribadeo para o curso 2021-22 como complemento do currículo educativo e co obxectivo de favorecer unha educación en valores. Haberá, entre outras propostas, exposicións, cine, teatro, obradoiros ou roteiros.
A concelleira de Ensino, Igualdade e Mocidade, Mariluz Álvarez Lastra, contou que “un ano máis o Concello de Ribadeo, dada a boa acollida e o éxito de participación dos cursos anteriores, presentoulles aos centros de ensino de Primaria, Secundaria e Formación Profesional unha proposta de actividades complementarias encamiñadas a favorecer o coñecemento do noso patrimonio histórico cultural, o respecto e o coidado do medio ambiente, o fomento de valores como a igualdade, o respecto e a tolerancia ás diferenzas, a prevención e sensibilización sobre violencia de xénero, a educación emocional…”.
De xeito transversal as Áreas de Ensino, Igualdade, Mocidade, Cultura, Medio Ambiente e Turismo deseñaron actividades moi variadas e motivadoras das que poderá desfrutar o alumnado ao traballar conxuntamente cos centros educativos .
Álvarez Lastra explicou que “a programación púxose en marcha o pasado mes de setembro coas tres actividades do programa Ler Conta Moito e continuará ao longo de todo o curso 2021- 22 con propostas como: exposicións, cine, teatro, encontros literarios, música, danza, roteiros, obradoiros de elaboración de queixos e limpeza de praias, actividades e obradoiros de igualdade como Conectando, comunicando, socializando… Concurso de historias sobre as ciberviolencias, Sexualidade dende o bo trato, Cambios no corpo, Escape room rexeita o maltrato, entre outras “.
A edil ribadense engadiu que “dende o Concello queremos contribuír ao desenvolvemento integral do alumnado e agradecer a todos os centros a súa participación nesta labor de involucrar oo seu alumnado nestas iniciativas na medida das súas posibilidades ou noutras parecidas, pois pode que sexa a única posibilidade real que teñan a maioría de nenas e nenos, de rapazas e rapaces… de coñecer este tipo de propostas”.
Mariluz Álvarez Lastra subliñou que “a responsabilidade de formar cidadáns responsables é de tod@s”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
