Lugo, 3 de setembro.- A vicepresidenta da Deputación de Lugo, Maite Ferreiro, participou esta mañá na presentación do Cumio Interautonómico dos Camiños do Norte “Xornadas do Peregrino Abrindo Camiño”, que se celebrarán en Mondoñedo, Lugo e Santiago de Compostela do 24 ao 26 de setembro.
O proxecto, impulsado pola Asociación Abrindo Camiño de Mondoñedo como parte da Agrupación de Asociacións de Amigos do Camiño de Santiago do Norte, preséntase como un conxunto de mesas de traballo e reflexión onde se conxugan as experiencias e perspectivas do tecido asociativo e das administracións autonómicas e locais, nun diálogo aberto para situar o Camiño como un revulsivo económico, social e cultural que conte coa colaboración e cooperación imprescindible de todas as partes implicadas.
Coa implicación de 27 asociacións de Euskadi, Cantabria, Asturias e Galicia, no encontro analizaranse temáticas moi diversas que van desde a acollida dos peregrinos e a hospitalidade a propostas sobre o trazado dos itinerarios xacobeos do norte, pasando pola historia e a memoria destas rutas.
O Auditorio municipal Pascual Veiga de Mondoñedo estreará o 24 de setembro o congreso cunha asemblea aberta que precederá unha serie de coloquios con representantes dos Gobernos de Navarra, Cantabria e Galicia, así como con historiadores, xornalistas e representantes de asociacións vinculadas ao Camiño.
A xornada que se realizará en Lugo o 25 de setembro no Auditorio da Delegación Provincial da Xunta de Galicia abordará a protección da saúde dos camiñantes, a análise do proxecto “Ultreya” dos efectos físicos e mentais das peregrinacións ou a doutrina mindfullness. Ademais, tratarase a investigación, promoción e divulgación dos Camiños de Santiago do Norte.
Santiago de Compostela acollerá a derradeira sesión o 26 de setembro, completando este Cumio coa participación dun total de cincuenta relatores, entre dirixentes das asociacións, expertos/as e estudosos/as da temática xacobea e representantes institucionais das catro comunidades do norte e do Xacobeo 2021-2022. Á marxe das sesións de traballo, as persoas participantes participarán en diferentes actividades e visitas culturais, e serán recibidos na Deputación Provincial de Lugo.
A vicepresidenta da Deputación de Lugo quixo agradecer “a posta en marcha deste proxecto ambicioso que facilita o contacto entre asociacións e administracións para potenciar os camiños do Norte, un obxectivo común que precisa do traballo conxunto de todas e todos e que permitirá reflexionar conxuntamente sobre o futuro que queremos para o Camiño de Santiago”.
Nese senso, sinalou que “as rutas xacobeas irmandan a nosa cultura identitaria cun motor económico indispensable para Galiza, que cobra aínda máis importancia na situación actual tras a pandemia como un punto estratéxico de recuperación económica e normalización sociocultural”.
No acto tamén interviron Luis Fernández Ansedes, presidente da Asociación Abrindo Camiño, e Laureano García, presidente da Agrupación de Asociacións de Amigos do Camiño de Santiago do Norte de Cantabria, Asturias e Galicia, que debullaron a temática dos relatorios e mesas redondas que se desenvolverán ao longo das tres xornadas, e puxeron en valor a contribución das asociacións ao desenvolvemento cultural e social do espíritu xacobeo.
Camiños de Santiago do Norte
As Asociacións de Amigos e Amigas dos Camiños de Santiago do Norte organizan este Cumio Interautonómico co obxectivo de profundar na realidade, no momento actual e perspectivas de futuro deste vía de peregrinación e Itinerario Cultural Europeo.
O Camiño de Santiago está vivo e en constante transformación, mais existen moitos aspectos que precisan ser revisados, mellorados ou planificados. Neste sendeiro de responsabilidade compartida para unha xestión integral e transversal preséntase indispensable a unidade de acción para un futuro sostible e respectuoso co medio.
Os Camiños do Norte, o da costa e o interior ou Primitivo, foron declarados Patrimonio Mundial pola UNESCO en 2015.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
