Ribadeo, 28 de agosto de 2021. O Concello coa colaboración de Acisa pon en marcha unha nova iniciativa, denominada Ribadeo 4×4. Aquelas persoas que fagan catro actividades de turismo activo no municipio durante catro días consecutivos deste mes de setembro optarán a premios.
O concelleiro de Desenvolvemento Local e Turismo, Pablo Vizoso, explicou que “Ribadeo 4×4 é un evento organizado polo Concello de Ribadeo en colaboración con Acisa no marco da iniciativa SetembroXNatural. Esta iniciativa procura persoas aventureiras con gañas de gozar dos atractivos da nosa contorna natural. Aos participantes propoñémoslles un gran reto: realizar 4 actividades da oferta de turismo activo de Ribadeo integrada nesta iniciativa en 4 días consecutivos -fin de semana incluído- no mes de setembro. Para isto os participantes contarán cunha tarxeta persoal que terán que ir selando na medida que realicen actividades. Os participantes que consigan realizar o gran reto, que consiste en obter 4 selos de actividades diferentes en 4 días consecutivos, conseguirán activar automaticamente a súa tarxeta converténdoa nunha tarxeta moedeiro. Esta será individual e intransferible por valor de 20 euros para gastar en establecementos da hostalería ribadense asociados a Acisa. As recompensas deberán disfrutarse no propio mes de setembro. Os participantes deberán estar atentos xa que nesta edición do Ribadeo 4×4 dispoñemos dun límite de 50 tarxetas moedeiro”.
Pablo Vizoso engadiu que “aqueles participantes que consigan realizar este gran reto, pero non poidan activar a súa tarxeta moedeiro polos motivos que sexa entrarán a formar parte do sorteo dunha estancia en Ribadeo con aloxamento, almorzo e unha comida para dúas persoas (fora da época estival) valorada en 200 euros e en establecementos integrados en Acisa Ribadeo. Haberá tamén un gran premio para aqueles súper aventureiros que cheguen a realizar 6 actividades en 4 días, que constará tamén dunha estancia en Ribadeo con aloxamento, almorzo e unha comida para dúas persoas (tamén fora da época estival) valorada en 200 euros e en establecementos integrados en Acisa máis un set de produtos galegos”.
Por parte de Acisa o seu xerente, Jesús Pérez, subliñou que “o que perseguimos nesta colaboración co Concello de Ribadeo, da cal estamos moi satisfeitos, é a desestacionalización do turismo. Pretendemos ampliar a oferta turística a través do ocio de aventura e de natureza con esta actividade durante o mes de setembro. O que queremos tamén é darlles relevancia aos nosos asociados, que son os establecementos nos que se van poder desfrutar as tarxetas moedeiro e os premios que establecen as bases”.
Acisa anima “a veciños, visitantes da nosa contorna e turistas a participar nesta nova iniciativa que poñemos en marcha porque é unha forma diferente de desfrutar de Ribadeo e da súa hostalería, a través dos premios, e tamén de aproveitar o tempo, despois de facer estas actividades, para mercar no comercio local e gozar da nosa gastronomía e da nosa hostalaría”.
Jesús Pérez rematou agradecendo ao Concello de Ribadeo “que nos permitira colaborar nesta iniciativa, que cremos que vai ser moi positiva”.
Ribadeo 4×4 foi presentado polo concelleiro de Turismo, Pablo Vizoso, polo presidente de Acisa, Francisco Iriarte, polo xerente da asociación, Jesús Pérez, e pola técnica de Turismo, Begoña García.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
