Lugo, 27 de agosto de 2021. Este mediodía inaugurouse no Parque de San Francisco de Ribadeo a exposición “Xela Arias. A poesía do retrato” con fotografías de Xulio Gil e poemas de Xela Arias. A mostra, promovida pola Vicepresidencia da Deputación de Lugo, consta de vinte paneis nos que as imaxes en branco e negro da autora dialogan con versos escollidos da súa obra poética.
As fotografías retratan a poeta posando con determinación e sen artificios ante o obxectivo de Xulio Gil cando tiña entre 26 e 40 anos. Trátase de imaxes tomadas para seren socializadas en revistas, libros ou noutros soportes de divulgación da obra de Xela Arias que se mostran por primeira vez en formato expositivo coincidindo co ano de homenaxe á autora sarriá polas Letras Galegas.
Ribadeo é o sexto e último destino da mostra, que desde o mes de maio percorreu distintas localidades como Sarria, Lugo, Chantada, Monforte e Viveiro.
Na inauguración, a vicepresidenta da Deputación, Maite Ferreiro, puxo de relevo “a importancia de ter presente a Xela ao longo destes meses en distintos puntos da provincia, estendendo a súa figura e obra tanto no tempo como nos espazos. O seu nomeamento como homenaxeada nas Letras Galegas bríndanos unha boa oportunidade para dar a coñecer a unha das mulleres máis relevantes e referentes da lingua e da cultura galegas, visibilizando figuras femininas como a súa nas aulas, na literatura, no audiovisual, e por suposto, tamén ocupando espazos nas rúas a través de mostras como a que estamos a presentar hoxe en Ribadeo”.
No acto interviu tamén o fotógrafo Xulio Gil, que explicou o proceso creativo da mostra e incidiu na necesidade de “sacar a cultura a rúa”, un posicionamento do que, lembrou, participaba tamén a propia Xela Arias.
Pola súa banda, a concelleira de Cultura ribadense, Pilar Otero, e o concelleiro de Economía e Turismo, Pablo Vizoso, deron a benvida á mostra, que permanecerá no Parque de San Francisco ata o 27 de setembro.
As persoas que asistiron á inauguración recibiron un exemplar dun libro-catálogo que recolle unha mostra máis ampla de retratos emparellados con fragmentos poéticos, coordinada por Xosé Enrique Acuña. Tamén puideron escoitar a música do grupo sarriao Malditos roedores, cun repertorio de pezas en galego.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
