Madrid, 24 de agosto de 2021. O deputado do BNG no Congreso, Néstor Rego, rexistra iniciativas na cámara baixa para lograr a mellor ambiental e a posta en valor da Ría de Ribadeo e demanda a implicación da Administración estatal. Recolle así as propostas do alcalde de Ribadeo, Fernando Suárez, e demanda a colaboración do Estado para, en primeiro lugar, conseguir o saneamento da Ría e a protección das especies autóctonas; e, por outra banda, unha actuación no turístico deportivo coa creación dunha senda que dea continuidade ao camiño que vai desde o Faro da Illa Pancha até o muíño de mareas das Aceas.
A Ría de Ribadeo saltou hai uns meses á palestra pública sobre o seu topónimo, a instancia do Principado de Asturias mentres se intentaban desviar os esforzos sobre as verdadeiras necesidades da Ría: “a recuperación ambiental e a posta en valor deste espazo natural” reivindica o deputado nacionalista. Rego considera “fundamental” a implicación do Estado como “elemento que vertebre as actuacións por tratarse dun ámbito fora dos límites administrativos da Galiza”.
En primeiro lugar, nas iniciativas rexistradas pola formación nacionalista destacan a necesidade de continuar coa substitución de especies invasoras e non autóctonas en ambas marxes da Ría de Ribadeo. Na marxe galega xa se están levando a cabo proxectos de recuperación de especies autóctonas propias do entorno en detrimento de outras foráneas como o eucalipto.
Así mesmo, como segunda actuación no plano ambiental, o deputado do BNG reclama que se poñan en marcha as actuación para a mellora integral do saneamento das augas residuais e eliminar calquera vertido contaminante que poida existir no entorno. “En pleno século XXI, nun espazo protexido como este, non pode ser que se estean a producir os vertidos actuais de augas residuais sen que sexan sometidas a un proceso previo de depuración” critica Rego.
Por outra banda, o deputado propón a creación dunha senda verde polo antigo trazado do tren mineiro de Vilaoudriz-Ribadeo con conexión cos Concellos de Trabada, San Tirso de Abres e A Pontenova a modo de ruta circular. “Cabe destacar que na marxe galega xa existe un tramo inicial de aproximadamente 5.6 quilómetros que chega desde o Faro de Illa Pancham pasando pola praia dos Bosques até chegar ao muíño de mareas das Aceas e na marxe de Asturias cóntase con outro de 5 quilómetros que une os núcleos de poboación das Figueiras e Castropol” lembra Rego.
Esta medida para a posta en valor do espazo natural posúe un elevado valor turístico e deportivo e permitiría a conexión destes municipios galaico-asturianos que suman máis de 20.000 persoas. “Isto significaría a implantación dun importante motor económico en canto ao sector turístico neste tempo post-covid onde cobrará vital importancia desfrutar dos espazos naturais e contribuirá a atraer turistas durante todo o ano” explica o deputado nacionalista.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
