Lugo 6 de agosto. A área de Medio Rural da Deputación de Lugo colaborou no acondicionamento das vivendas habilitadas polo Concello da Pastoriza nas antigas escolas unitiarias de Crecente, Álvare e Bretoña.
Concretamente, a área dirixida por Mónica Freire financiou o equipamento de cinco das seis vivendas reformadas, co obxectivo de crear unha bolsa municipal para alugueiro.
A través dun convenio co Concello, a institución provincial financiou a compra de mobiliario e electrodomésticos para as cociñas -armarios, placas vitrocerámicas, frigoríficos e fornos- e a instalación de estufas de pellets.
A achega de Medio Rural permitiu concluír os traballos de rehabilitación e acondicionamento das antigas escolas, un proxecto impulsado desde a Tenencia de Alcaldía do Concello que busca facilitar o acceso á vivenda a prezos asequibles.
Mónica Freire sinalou que “o obxectivo último das accións desenvolvidas desde a nosa área é a fixación de poboación no rural. Apostamos por iniciativas tanxibles, que respondan a necesidades e demandas concretas. Cremos que este proxecto impulsado desde a tenencía de alcaldía da Pastoriza é exemplar nese sentido, xa que ofrece alternativas para que as persoas poidan asentarse no rural, neste caso nun municipio cun sector primario moi dinámico, que xenera emprego”.
A deputada nacionalista incidiu tamén “en que se trata dunha iniciativa que entende a vivenda como un dereito fundamental e que pón en valor un patrimonio público como son as escolas unitarias”.
A tenente de alcalde da Pastoriza, Elva Carrera, constatou que “no concello hai unha demanda importante de vivenda, tanto por parte de veciños e veciños que queren independizarse como de persoas que veñen a traballar ás granxas, que teñen dificultades para atopar onde vivir” e adiantou que “están a traballar nunha ordenanza municipal para regular os prezos e os criterios de acceso ás vivendas”.
O Concello dispón dun total de seis vivendas publicas para alugueiro, reformadas e acondicionadas en distintas fases, en Crecente, Álvare e Bretoña, tres das parroquias que concentran gran parte da activdidade gandeira do municipio, o segundo de Galiza en produción leiteira.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
