LUGO .- O vicepresidente da Deputación, o nacionalista Antón Bao, xunto ao delegado de Cultura e Deportes da Deputación, o tamén nacionalista Antonio Veiga, participaron esta noite, ademais doutras autoridades e do organizador da liga Mario Saavedra, na entrega de trofeos na cea de clausura da tempada da Liga Norte de Bolos, que se celebrou nun coñecido restaurante de Barreiros. A Área de Cultura e Deportes apoiou, igual que no caso doutras modalidades de xogos tradicionais, o desenvolvemento da competición da Liga de Bolos do Norte.
Antón Bao, na súa intervención, amosouse satisfeito porque hoxe “podemos comprobar como un dos elementos da nosa cultura e identidade como son os xogos e deportes tradicionais, lonxe de esquecerse, están en plena vixencia e actualidade, congregando as fins de semana a moita xente de diferentes comarcas luguesas, grazas ao traballo e esforzo de moitas persoas, ás que desde a Área de Cultura e Deportes da Deputación queremos agradecérllelo e apoiar en todo momento”. O vicepresidente afirmou que “os bolos, coas as súas diferentes formas, coas diferentes maneiras de xogar en cada lugar, serven tamén para xuntar á xente cun propósito común, desfrutar dun xogo ou deporte tradicional moi noso e que nos une tamén, igual que a nosa música ou o idioma, como lucenses, galegos e galegas”.
Pola súa banda, o delegado de Cultura e Deportes da Deputación, o nacionalista Antonio Veiga, destacou a implantación dos bolos “na Mariña e o norte lucense en xeral, coa posta en marcha desta Liga Provincial do Norte que conta con 7 equipos federados e máis de 160 practicantes de todas as idades”, e asegurou que “é un deporte que implica a todo o mundo, desde rapaces até maiores, e convida a socializar”. Veiga tamén lembrou que “desde a nosa entrada no goberno da Deputación, desde a Área de Cultura e Deportes propúxose sempre dar todo o apoio á recuperación e difusión dos xogos e deportes tradicionais, obxectivo compartido e conseguido ao cen por cento colaborando coa Liga Provincial de Bolos”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
