Lugo, 26 de xullo de 2021. O Partido Popular propón ao goberno provincial o deseño conxunto con AJE Lugo dun convenio de colaboración para completar e executar os proxectos recollidos na candidatura que está elaborando esta asociación de cara a obter financiamento a través dos Fondos Next Generation coa finalidade de contribuír á reactivación e á recuperación económica da provincia. Neste senso, a proposta dos populares inclúe, ademais, a creación dunha comisión de seguemento, da que formen parte os representantes dos empresarios, así como todos os grupos políticos para garantir a execución e os proxectos que conleve o acordo.
“A Deputación non pode permanecer impasible ante o futuro da provincia. Agardamos que se apoie esta iniciativa da que somos coñecedores. Tivemos varias reunións e parécenos moi importante o que propoñen; primeiro, porque vén por mozos empresarios e con proxectos de vida para a provincia, incluído o rural; e, segundo, porque é moi necesario ter un proxecto integral que integre a mellora da conectividade, de sistemas para a gandaría, etc”, afirma o voceiro Javier Castiñeira.
A este respecto, o popular defende que o organismo provincial “ten que empezar a traballar xa da man deste proxecto”, pois, engade, existe “un silencio absoluto dos proxectos que vaia levar”, xa que “o único partido que está a falar destes fondos é o PP”. Por iso, agarda Castiñeira, “que desta vez si, o goberno de PSOE e BNG si estean a favor do tecido económico e empresarial mozo e emprendedor”.
140 millóns de euros
Para axudar a reparar os danos económicos e sociais causados pola pandemia do coronavirus, os dirixentes da UE acordaron un plan de recuperación que liderará o camiño para a saída da crise e sentará as bases para unha Europa moderna e máis sostible. España vai recibir 140.000 millóns de euros entre transferencias e préstamos. Esta dotación económica, equivalente ao 11% del PIB, servirá para financiar proximamente proxectos que vaian na liña da transformación dixital, a reindustrialización, pacto verde a favor de enerxías limpas e promoción da igualdade.
Para contribuír ao desenvolvemento da provincia coas mesmas oportunidades débese ampliar o máximo a cobertura territorial dos investimentos destinados á recuperación fronte á pandemia e Lugo conta cunhas acusadas peculiaridades xeográficas e demográficas, entre as que destaca a dispersión territorial. Esta circunstancia implica unha maior necesidade de investimentos per cápita para deseñar e financiar os servizos públicos. E, por outra banda, está demostrado que un investimento no rural supón un gran beneficio para o conxunto do territorio e contribúe a fixar poboación. En consecuencia os Fondos Next Generation EU, tal e como expoñen dende o PP, representan unha oportunidade de financiación extraordinaria para a reactivación económica da provincia.
Implicación da Deputación
A Deputación de Lugo recibirá fondos europeos destinados á reconstrución e resiliencia para os obxectivos sinalados, que deben ir dirixidos ás necesidades da provincia en ámbitos como a cobertura telefónica, conectividade, aplicación das novas tecnoloxías á agricultura e á gandaría, á dixitalización da provincia (en particular das empresas), avances no sistema de mapeo e programas de Marketplace onde se poidan comercializar os produtos autóctonos.
O Grupo Provincial do PP é coñecedor de que a Confederación Española de Asociaciones de Jóvenes Empresarios (CEAJE) deseña unha candidatura de proxectos pensada, en xeral, para todo o territorio nacional e que dende a Asociación de Jóvenes Empresarias y Empresarios de Lugo (AJE Lugo) están a desenvolver a mesma tendo en conta as casuísticas concretas e particulares da provincia; candidatura de proxectos que se corresponden coas necesidades de Lugo nos termos sinalados nas liñas anteriores.
Por iso, consideran que a Deputación debe involucrarse para apoiar e impulsar a execución dos mesmos e obter o financiamento correspondente con cargo aos fondos europeos dispoñibles, coa finalidade, entre outras, de fomentar o emprendemento e a creación de empresas por persoas mozas e lograr a fixación da poboación no rural.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
