Viveiro, 24 de xullo, 2021. O sector turístico e un dos eixes fundamentais da economía do concello de Viveiro, sendo prioritaria a recuperación do mesmo, dada a súa incidencia na hostalería, no comercio e no conxunto do sector servizos en xeral.
Neste sector, cada vez máis competitivo, moitos concellos de Galicia ofertan o uso e desfrute das praias dende o 1 de xuño ata o 30 de setembro, con accesos en óptimas condicións e tódolos servizos en funcionamento: socorristas, limpeza, contedores, papeleiras e duchas.
No caso do concello de Viveiro, catalogado como de excelencia turística, esta oferta redúcese a dous meses, o espazo de tempo comprendido entre o 1 de xullo e o 31 de agosto. Este feito ocasiona que Viveiro compita en inferioridade de condicións en relación os concellos que ofertan tamén os meses de xuño e setembro.
Valoramos positivamente que Viveiro conte cunha importante rede de
establecementos de hostalería, rede que será moito mais competitiva si se logra desestacionalizar o turismo e non limitalo unicamente aos meses de xullo e agosto.
Así mesmo, en numerosas vilas e cidades a nivel mundial, colócanse en lugares estratéxicos grandes paneis ou valados co nome da cidade.
Dende Por Viveiro, realizamos a proposta de instalar unhas letras co nome de Viveiro, nos Xardíns Noriega Varela, realizadas nun material e nun tamaño acorde co entorno no que se ubicarían, ao carón da Porta de Carlos V, co obxectivo de que veciñas, veciños e visitantes, podan tomar as súas fotografías, para logo difundilas a través das redes sociais, o que suporía unha publicidade turística enorme, cun custo moi reducido.
Por todo o exposto anteriormente, o Grupo Municipal de POR VIVEIRO traslada a seguinte proposta de acordo para a súa aprobación en pleno:
1. No ano actual, adopción das medidas necesarias para estender o uso horario das praias con tódolos servizos en funcionamento ata o 30 de setembro.
2.- Para os anos vindeiros, establecer as datas comprendidas entre o 1 de xuño e o 30 de setembro, como tempada de uso e desfrute das praias con tódolos servizos en funcionamento.
3.- Instalar un letreiro co nome de VIVEIRO nos Xardíns Noriega Varela, conforme á proposta, co obxectivo da difusión turística do nome da nosa Cidade nas diferentes redes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
