O vicepresidente segundo e conselleiro de Economía, Empresa e Innovación, Francisco Conde, asiste por videoconferencia a unha reunión co Ministerio de Industria, Comercio e Turismo e o comité de empresa de Alcoa para analizar a situación da planta de San Cibrao (Lugo).
Santiago de Compostela, 9 de xullo de 2021. O vicepresidente económico e conselleiro de Economía, Empresa e Innovación, Francisco Conde, participou esta tarde nunha reunión co Ministerio de Industria, o comité de empresa de Alcoa e os sindicatos na que advertiu de que o Goberno de España ten unha semana –antes de reunirse coa compañía en EEUU– para concretar unha proposta que contribúa a desbloquear a situación na que se atopa o proceso de compra-venda da planta de aluminio en San Cibrao e aclarar cal será o seu papel.
O Goberno galego, que ofreceu toda a súa colaboración, entende que a ministra de Industria, Reyes Maroto, perdeu hoxe a oportunidade de presentar propostas e medidas concretas que se poidan impulsar desde o Goberno para desbloquear a situación actual e facilitar o proceso de venda a través dun acordo entre Alcoa e algunha das empresas que presentaron ofertas.
O vicepresidente económico agarda que a viaxe da ministra á sede de Alcoa en Pittsburgh (EEUU) sirva para achegar posturas e recuperar o tempo perdido, xa que é necesario que se acade un punto de entendemento para que a planta de San Cibrao teña futuro: “De momento non hai unha proposta concreta por parte do Goberno”, asegurou Conde, quen aclarou que queda unha semana e que desde a Xunta se seguirá traballando co Executivo.
Por outra banda, o Goberno non está sendo capaz de establecer un marco enerxético que permita dar continuidade non só á planta de Alcoa na Mariña de Lugo, senón ao conxunto da industria hiperelectrointensiva, unha vez que se constatou o fracaso do estatuto para este tipo de consumidores. De feito, as empresas galegas pagan máis do dobre por MWh que en países como Francia, o que lles impide competir en igualdade de condicións e, ao mesmo tempo, dificulta tamén o proceso de venda da planta de San Cibrao: “É unha demanda común dos compradores: a necesidade de concretar un prezo eléctrico competitivo que garanta a viabilidade da planta”, concluíu.
Saúdos do Gabinete de Comunicación da Vicepresidencia segunda e Consellería de Economía, Empresa e Innovación
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
