Ribadeo, 7 de xullo de 2021. O Centro Integrado de Formación Profesional (CIFP) Porta da Auga, de Ribadeo, oferta as últimas prazas que hai dispoñibles para o curso de fabricación e mantemento de embarcacións de fibra. Nel formaranse futuros traballadores da División de Fibra de Astilleros Gondán, no municipio asturiano de Castropol, onde o alumnado fará as prácticas. O prazo de inscrición remata o día 16 deste mes polo que os interesados deben contactar canto antes co CIFP Porta da Auga de maneira presencial ou chamando ao teléfono 982.12.88.94.
Isidro Berdeal explica que “para o curso que ofertamos por primeira vez sobre fabricación e mantemento de embarcacións de fibra quédannos as últimas prazas. Froito do convenio de colaboración entre a Consellería de Cultura, Educación e Universidade da Xunta de Galicia e Astilleros Gondán, este curso formará a futuros traballadores de dita empresa para a súa división de embarcacións de fibra. Os interesados poden presentar as solicitudes ata o 16 de xullo e o período de formación será desde setembro de 2021 ata febreiro de 2022, cun total de 632 horas, nas que o alumnado obterá competencias en pintura, reparación e construción de elementos de plástico reforzado con fibra de vidro en embarcacións”.
Berdeal engade que “os requisitos para acceder a esta formación son os mesmos que para un ciclo medio: ter a ESO ou un curso equivalente ou as probas de acceso a ciclos medios ou cursar unha FP anteriormente”.
Para ultimar os preparativos desta acción formativa o director do CIFP Porta da Auga reuniuse nas instalacións de Astilleros Gondán, no peirao sur de Castropol (preto de Vegadeo), co director desta división, o enxeñeiro Antonio Pacheco, e co xefe de produción da mesma, Boris Cadet.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
