Ribadeo, 2 de xullo de 2021. O novo programa cultural da Xunta Propulsa Danza + Paisaxe + Patrimonio bota a andar ás 20,30 h. desta tarde no peirao de Rinlo, en Ribadeo (Escola vella no caso de choiva), coa primeira das 27 actuacións que se desenvolverán ata finais de agosto noutros tantos espazos singulares de toda Galicia como parte da programación do Xacobeo 21-22.
O director da Axencia Galega das Industrias Culturais (Agadic), Jacobo Sutil, asistirá á representación no porto desta pequena localidade da Mariña lucense, de orixe medieval e de gran tradición pesqueira, onde se porán en escena tres pezas doutras tantas compañías: Amparo de Entremáns, MAPA de Colectivo Glovo e Con/Sin/In- Tacto, de iXa Universos de Movemento – Xián Martínez.
Son 30 as formacións −23 galegas e sete convidadas do resto de España, Francia e Portugal− que lle dan forma a esta iniciativa, a través da que a Consellería de Cultura, Educación e Universidade busca compartir co público o gran momento creativo da danza en Galicia, ao tempo que se pon en valor o noso patrimonio cultural e paisaxístico.
Mañá en Palas de Rei
No caso da provincia de Lugo, Propulsa levará diferentes propostas coreográficas a sete destacadas localizacións durante o mes de xullo. Así, a seguinte parada será mañá sábado 3, ás 19,00 h., no Castelo de Pambre en Palas de Rei coas mesmas pezas que se poderán ver hoxe en Rinlo.
O día 9 (20,30 h.) será a quenda de Analepsis de Paula Quintas, Vertebrata de Alejandra Balboa e Canela de Laboratorio Escénico, na praza Conde Fenosa de Portomarín; o día 10 (20,30 h.) a Cía IO representará catro[4”]segundos en Chantada; o día 11 (20,30 h.) o Museo Interactivo da Historia de Lugo (MIHL) acollerá as pezas Miñaxoia de Clara Ferrão e Vertebrata de Alejandra Balboa; o día 16 (20,00 h.) bailarán na praza dos Escolapios de Monforte La Macana con Keep Going, Janet Novas con Feelings e São Castro & Antònio M Cabrita con Um solo para a sociedade, e o día 25 (20,00 h.) a praza dos Fornos da Pontenova será o escenario para Voo de Ánxela Blanco, Miñaxoia de Clara Ferrão, Intempestiva de Elahood, e Nexos de Cía. Exire.
Ademais deste programa, durante o verán de 2021 a Xunta de Galicia está a impulsar máis de 3000 actividades por toda a xeografía galega cun investimento superior aos 9M€ ao abeiro do Plan de Reactivación da Cultura. Son actividades que se suman á programación especial do Xacobeo 21-22 e que favorecen a posta en marcha de numerosos eventos que abranguen todas as disciplinas artísticas e dirixidas a todo tipo de públicos, tanto en zonas urbanas como no rural.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
