BURELA .- A corporación municipal do concello de Burela aprobou por unanimidade o “Plan para a igualdade de oportunidades entre homes e mulleres”. Según a responsábel municipal de igualdade, a nacionalista Neves Cando, esta nova iniciativa ten tres liñas de actuación e pretende “afondar no acceso á información e aos recursos, a formación en igualdade entre homes e mulleres e a abordaxe integral da violencia de xénero”.
Nota de Prensa
O PLENO APROBOU POR UNANIMIDADE O 2º PLAN PARA A IGUALDADE DE OPORTUNIDADES ENTRE HOMES E MULLERES DE BURELA.
Burela, 31 de outubro de 2008. O pleno do Concello aprobou por unanimidade o 2º Plan para a igualdade de oportunidades entre homes e mulleres de Burela. Segundo a edil de Igualdade, Neves Cando, <este 2º plan que chega despois do 1º que se realizou dos anos 2005 ao 2007 para afondar en tres novas liñas de actuación: o acceso á información e aos recursos; a formación en igualdade entre homes e mulleres e a abordaxe integral da violencia de xénero>. A concelleira nacionalista considera que <para que a igualdade sexa real e efectiva hai que actuar nas actitudes, nos comportamentos e nas estructuras sociais que impiden moitas veces ás mulleres o desenvolvemento da súa personalidade e a participación activa nesta sociedade. Desde o Concello temos a obriga de realizar actividades e prestar servizos que contribuirán a satisfacer as necesidades e demandas dos nosos veciños e veciñas incluindo esta promoción da igualdade de oportunidades entre homes e mulleres>.
Liñas de actuación
-Acceso á información e aos recursos. Neves Cando explica que <para garantir que homes e mulleres teñan acceso áxil a eles poremos en marcha campañas de información sobre os recursos que xa hai, coma o 5º plan para a igualdade do goberno galego, este 2º plan noso, o servizo de educadora familiar, o CIM, o centro Quérote ou a aula da familia que temos na Casa da Cultura. Queremos garantir o acceso ás novas tecnoloxías para diminuir esa afrenta dixital que nestes temas ainda hai entre as nosas mulleres>.
-Formación en igualdade entre homes e mulleres. <Algo que supón espertar a conciencia crítica sobre as actitudes discriminatorias e camiñar contra un cambio cultural que garanta esta perspectiva de xénero. Faremos campañas xenéricas sobre esta perspectiva e a igualdade, sobre a importancia da linguaxe non sexista…ofreceremos formación específica en materia de xénero e igualdade no ensino porque hai que empezar pola base para crear futuro. Dita formación estará centrada no persoal docente da escola infantil e dos centros de ensino de Burela e tamén ofertaremos formación en igualdade entre mozos e mozas e os seus pais e nais>, segue a contar a responsable de igualdade burelesa.
-Abordaxe integral da violencia de xénero. Neves Cando cre que con esta liña de actuación <será posible previr e abordar esta violencia desde as súas distintas causas, tipoloxías, manifestacións e consecuencias, e temos tres obxectivos: a sensibilización, a formación e a concienciación. Neste último imos centrarnos na nosa mocidade con obradoiros de habilidade e relacións sociais destiñados á aprendizaxe das relacións respectuosas… teñen que aprender a amosar os sentimentos e a resolver pacíficamente os conflictos e a valorar a igualdade entre homes e mulleres coma eixo central do desenvolvemento humano. Tamén incluimos unha formación e actualización de coñecementos para catro colectivos básicos no noso organigrama municipal: os profesores, a policía local, os traballadores dos servizos sociais e os da rede de información xuvenil>.
Neves Cando define este 2º Plan coma <un compromiso e unha responsabilidade compartida entre homes e mulleres e xuntos traballaremos para facer deste compromiso unha realidade colectiva de xustiza social>.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
