BARREIROS (FNC) .- O Eido Dourado acollerá este verán veladas musicais e visitas guiadas, segundo ven de anunciar o artista barreirense Celso Dourado. Este espazo adicado ao arte abre de novo as súas portas o vindeiro sábado 19 de xuño cun acto para todo o público que se desenvolverá nos xardíns e no que se combinarán música, poesía e arte.
Celso Dourado sinala que “o Eido Dourado volta co xardín renovado, pero sobre todo coa exposición pictórica na que aporto unha serie de técnicas novidosas cunha forte tendencia á cor”. O artista de Barreiros suliña que “o Eido non está concebido coma un museo, é un espazo que a mesma palabra define, aquelo material e inmaterial que rodea á propia persoa, onde a creación plástica que se expón está acompañada dunha tamén creación arquitectónica e dun desarrollo paisaxístico. Todo eso é o que compendia realmente o Eido e a propia singularidade do espazo en sí”. Dourado lembra que “o ano pasado achegáronse ata aquí unhas 4.000 persoas, é un éxito rotundo para un espazo que se inicia nun entorno rural e na zona das praias. Eu quedei abraiado coa repercusión que tivo a apertura do Eido”.
O artista anima “á xente que se pasou polo Eido Dourado a que volte porque o xardín foi renovado, a estructura constructiva tamén e a exposición igualmente. O meu reto cando concebín o Eido foi renovar todos os anos a exposición que é a miña principal aportación”.
Celso Dourado anuncia que “este verán haberá veladas musicais no xardín de grava para unhas 40 persoas máis ou menos e ás que pretendo traer especialmente cantautores. E tamén imos ter visitas guiadas porque penso que son moi importantes. O encontrarse co autor da obra que lles vai explicar cómo foi realizada e o que trata de expresar con ela é fundamental. Esta idea xurdiu da experiencia do ano pasado na que vimos que se demandaba esa explicación da obra, o que quería expresar con elas e a súa realización técnica”.
Celso Dourado ultima os detalles do acto de reapertura do Eido Dourado que terá lugar o vindeiro sábado 19 de xuño a partires das sete da tarde “e ao que están convidados todos os que queiran asistir. É algo aberto a todo o mundo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
