Trabada, 21 de xuño de 2021. O voceiro do Grupo Municipal do PP de Trabada, José María Fernández, denuncia que “estamos ás portas do verán e o Concello aínda non desbrozou nin a cuarta parte do municipio”. O popular atribúe este “desleixo” a un goberno local “ausente”, a pesares de que dous dos concelleiros teñen dedicación exclusiva, “polo que, digo eu, ben poderían atender a cuestións tan relevantes como as indicadas”.
E é que, segundo apunta, “xa non é só a imaxe que damos, é o risco que supón. A visibilidade redúcese pola invasión da maleza e, en caso de incendio, tamén provocaría a expansión das lapas”, alerta.
Dende o PP maniféstanse así moi críticos coa xestión municipal. Proba delo é que, cando gobernaban os populares, as vías municipais desbrozábanse dúas veces ao ano e, cos socialistas no Concello, “faise una vez, se se fai, e iso con moito retraso”. Fernández expón, ademais, que “esta situación é totalmente reprobable”. “O Concello dispón de dous tractores para facer estes traballos e só se está empregado un; algo que non entendemos, pois, ademais da mala xestión, non se están a empregar os recursos cos que contamos”, afirma.
Abandono da zona escolar
A falta de limpeza das estradas municipais é un claro exemplo para os populares “do desgoberno que temos”, e que se reflicte tamén no campo de fútbol escolar e nas inmediacións do colexio. “O estado no que están estas dependencias, invadidas tamén pola herba, é totalmente lamentable e evidencia, de forma indiscutible, que estamos ante os peores dirixentes que tivemos en Trabada nos últimos tempos”, conclúe.
Alcaldesa descentrada
Por todo elo, José María Fernández pídelle á alcaldesa “que se centre” e que “lle dedique algunha hora máis a Trabada. Ir á Deputación está moi ben, pero o que é unha realidade é que ten totalmente desatendido o concello”. Neste senso, dende o PP solicítanlle que ordene os trámites necesarios para acometer no menor tempo posible o desbroce e limpeza das vías e das dependencias, cuxa titularidade é da entidade local.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
