Ribadeo, 18 de xuño de 2021. A directora xeral de Xuventude, Participación e Voluntariado, Cristina Pichel, visitou esta mañá o campamento xuvenil A Devesa para a posta en valor das obras que se están a executar para o acondicionamento das instalacións. A Xunta de Galicia destinou máis de 136.000 euros para a realización destas reformas.
Durante a visita, Cristina Pichel puido supervisar os labores de mantemento levados a cabo neste campamento, como a pintura interior e exterior dos barracóns, ao que se destinaron máis de 48.000 euros; o acondicionamento do camiño da entrada principal, no que investiron 25.700 euros; ou os traballos de carpintería, reparación de aseos e revisión das instalacións eléctricas, cun custo de máis de 26.000 euros.
Neste campamento lévanse a cabo actividades como surf, bodyboard, escalada en rocódromo, tiro con arco, xincanas acuáticas, obradoiros de reciclaxe para a conservación do medio e concursos de talentos, entre outras actividades.
A directora xeral de Xuventude, Participación e Voluntariado subliñou, neste sentido, a importancia que teñen este tipo de actividades, coas que se pretende fomentar o lecer educativo saudable e seguro das mozas e mozos galegos durante a temporada estival.
Este campamento dividirase en sete quendas que ofrecerá ata 365 prazas e estará repartido do 1 e o 10 de xullo, do 15 ao 24 de xullo, do 29 de xullo ao 7 de agosto, e por último do 12 de ao 21 de agosto.
O voceiro, Daniel Vega, xunto a outros membros do Grupo Municipal Popular de Ribadeo, acompañou á directora xeral de Xuventude, Participación e Voluntariado, Cristina Pichel, na súa visita ás instalacións do albergue xuvenil da Devesa onde destacou que “a Xunta inviste máis de 136.000 euros para o acondicionamento deste espazo que recibirá outro ano máis aos mozos e mozas que participan nos campamentos xuvenís da Xunta e que tamén está aberto aos distintos colectivos deportivos, culturais e ás distintas asociacións da vila e do rural”.
O popular explica que “o Goberno galego está a executar melloras para o seu acondicionamento coma a aplicación de pintura en interiores e exteriores, a instalación de peanas, traballos de drenaxe e o acondicionamento da estrada de acceso”.
Vega defende “un traballo serio e responsable de cara á mellora das instalacións da nosa vila” e sinala que “seguimos empeñados en buscar orzamento para Ribadeo e para mellorar o noso día a día”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
