A Mariña, xoves 17 xuño. Na mañá de hoxe o BNG presentou en rolda de prensa en San Cibrao unha campaña que está a desenvolver tamén por todo o país e que tén como obxectivo a adopción de medidas pola Xunta e polo Goberno do Estado para frear a escandalosa e aberrante subida da factura da luz nun país excedentario en enerxía como é Galiza.
No arranque desta campaña estiveron presentes o deputado mariñao no Parlamento Daniel Castro, a responsable comarcal e alcaldesa de Barreiros Ana Ermida e o alcalde de Muras Manuel Requeixo, os concelleiros nacionalistas de Cervo Diego Fernández e Xorxe Caldeiro, e outr@s representantes do Bng na Mariña.
Tarifa Eléctrica Galega para abaratar a factura da luz a particulares e empresas
Desde a formación nacionalista demandan unha tarifa eléctrica galega que abarate a factura da luz para galegas e galegos en beneficio de consumidores particulares e das nosas empresas de maneira que se compense o papel de Galiza como excedentaria na producción eléctrica. Así mesmo piden modificar a Lei do sector eléctrico e os últimos cambios tarifarios de maneira que o prezo da electricidade se estipule en función dos custos de xeración de cada tecnoloxía.
Creación dunha empresa pública galega de enerxía para socializar os beneficios
Demandan tamén a creación dunha empresa pública galega de enerxía. Inicialmente integrando os encoros que vaian rematando o período de concesión, así como a participación noutros ámbitos de xeración de enerxía para a socialización dos beneficios.
A baixada do IVE na factura eléctrica, do actual 21% ao 4% e a eliminación do imposto especial da electricidade é outra das reivindicacións, así como garantir a subministración eléctrica a toda a poboación, establecendo medidas para que non se lle poida cortar a luz a ningunha persoa sen recursos. Destas propostas deu conta o deputado Daniel Castro, así como de todas as iniciativas que ao respecto levaron desde o Bng ao Parlamento.
Esta campaña, tal como afirmou a responsable comarcal Ana Ermida “vai desenvolverse por toda A Mariña nos meses de xuño e xullo con instalación de mesas para recollida de sinaturas nas rúas e prazas das vilas mariñás. Os lugares das recollidas serán previamente anunciados e convidamos a todas as veciñas e veciños a mostrar a súa disconformidade con esta abusiva suba da factura da luz”
O alcalde de Muras, Manuel Requeixo explicou tamén como no seu concello os beneficios da producción de enerxía polos eólicos repercuten na veciñanza, unha medida implantada polo goberno nacionalista de Muras, da que actualmente se benefica o 80% da veciñanza.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
