Foz, 16 de xuño de 2021. O Concello de Foz aposta firmemente pola Escola de Música Municipal Arcadio Mon, pero non pode asumir o que esixe a ANPA do centro porque está fora da lei.
O alcalde, Fran Cajoto, explica que “o Concello de Foz aposta firmemente pola Escola de Música Municipal Arcadio Mon, que aínda que tería que autofinanciarse, mantivo un desfase contable no curso 20-21 de 76.000 euros entre o que ingresaron as arcas municipais -taxas do alumnado, 26.000 euros- e o custo real da Escola -sen chegar a sumar gastos de funcionamento habituais como luz, auga, limpeza do edificio ou os investimentos propios que hai que realizar- ascendeu a 102.000 euros, só en salarios do profesorado. Estes 76.000 euros de diferenza son aportados con cargo aos orzamentos xerais, saen dos impostos de todas as veciñas e veciños de Foz. A pesar disto o Concello aposta firmemente por esta ensinanza, defende que nenas e nenos teñan a posibilidade de desenvolver o seu talento musical desde a base con profesores de calidade. Como mostra un botón: este curso 20-21 fíxose un esforzo adicional e ampliáronse as horas do profesorado máis que nunca, concretamente para o ensino de piano dispúxose unha persoa a tempo completo durante os 9 meses que dura a o curso da Escola”.
O rexedor municipal aclara que “estase a demandar pola ANPA da Escola de Música un apoio á dirección do centro. Podemos estar conformes con que son necesarias máis mans para mellorar o funcionamento da Escola e que siga medrando. Hai distintas opcións, como auxiliares temporais para axudar na tempada de matrículas ou noutras tarefas administrativas para descargar de traballo ao director do centro.
Tamén hai outras posibilidades, a través de acumulación de tarefas dalgún dos profesores e que se puxo en coñecemento da Escola. Sen embargo a demanda esixida pola ANPA dun profesor asociado á dirección a tempo completo durante 12 meses non se pode facer efectiva a día de hoxe, xa que non a contempla o organigrama do Concello e así nolo trasladou a secretaria. Mantivemos unha última xuntanza este luns coa ANPA, pero a pesar disto trasladouse unha mensaxe que non concorda coa realidade. A cuestión parte dun membro en concreto do profesorado que aspira a mellorar as condicións do posto temporal que obtivo no concurso. Fóra deste aspecto o Concello aspira a que a Escola siga medrando sen subir as taxas neste momento, xa que sería asumir por parte das familias un sobrecusto que non procede en plena crise económica derivada da pandemia. Tampouco creemos razoable subir impostos nestes momentos aos veciños de Foz. Hai que deixar claro que a Escola de Música non se veu mermada senón ao contrario, aumentáronse as partidas económicas e pese as dificultades de espazo para poder continuar coa docencia derivadas da pandemia, buscáronse e ofrecéronse alternativas. Neste sentido estou orgulloso do traballo feito desde o Concello, tamén por parte dos técnicos”.
Fran Cajoto rematou destacando que “o compromiso do Concello é firme e rotundo coa Escola de Música: o que se traduce das declaracións da ANPA non se corresponde coa realidade dos investimentos que o Concello está a facer. O compromiso segue aí, en aumento, e por todo ese esforzo non buscamos encomios nin recoñecementos persoais, pero si que non se falte á verdade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
