Viveiro, 11 de xuño de 2021. O Concello de Viveiro traslada a súa noraboa ás viveirenses Sofiya Insua Evtyukova e Elena Rivera Díaz, polos seus premios no Certame de Narración e Debuxo Infantil Letras Galegas 2021, organizado pola Biblioteca Pública de Lugo.
As dúas viveirenses foron premiadas na categoría de debuxo, concretamente, Sofiya Insua Evtyukova, de 7 anos e do CEP Lois Tobío, logrou o primeiro premio da categoría ata 8 anos. Doutra banda, Elena Rivera Díaz, do mesmo centro escolar e de 10 anos de idade, era a segunda clasificada na categoría de 9 a 11 anos.
“Queremos felicitar a estas nenas polo seu traballo e sobre todo animalas a que continúen desenvolvendo o seu talento no debuxo. Agradecemos ademais a implicación de todos os participantes, cuxo esforzo implica un impulso á cultura”, afirma Lara Fernández Fernández Noriega, concelleira de Cultura de Viveiro.
A edil tamén enxalzou o traballo da Biblioteca Municipal de Viveiro, que recoñecía na fase local os mellores traballos da vila. Esta selección pasou á fase provincial, entre eles os dous finalmente premiados.
Ambas rapazas recibirán cadanseu premio nun acto que se celebrará no salón de actos da Biblioteca de Lugo, o vindeiro martes 15 de xuño.
Por último, dada a actual evolución da situación epidemiolóxica, o Concello de Viveiro decidiu entregar fisicamente os premios das fases locais dos certames de debuxo e narración de Nadal e das Letras Galegas. Os cativos e cativas gañadores recibirán os seus premios o vindeiro 18 de xuño na sala multiusos do Concello, ás 18:00 os do certame de Nadal, e ás 18:30 os concurso das Letras Galegas.
Saúdos,
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
