Ribadeo, 10 de xuño de 2021. A conselleira do Mar, Rosa Quintana, participou esta tarde no acto de inicio en Galicia da travesía náutica xacobea Navega o Camiño, unha vertente galega desta peregrinación por mar que comeza mañá no peirao de Ribadeo e que conta con sete etapas que rematan o próximo 19 de xuño coa chegada a pé a Santiago de Compostela. A titular de Mar salientou a importancia desta iniciativa para promocionar Galicia no exterior pois permite dar visibilidade ao Camiño de Santiago por mar e contribúe a impulsar a náutica de lecer e a optimizar a explotación das instalacións náutico-recreativas da comunidade.
A representante do Executivo galego lembrou que o Xacobeo 21-22 é unha oportunidade única para reactivar o turismo náutico, un sector moi castigado pola pandemia da covid-19 e recuperar pouco a pouco os niveis de actividade de previos á alerta sanitaria. “Galicia é un destino seguro por terra e por mar e esta é unha mostra máis”, subliñou Rosa Quintana.
O acto tamén serviu para descubrir no peirao de Ribadeo a primeira das 28 mouteiras que identifican aos portos de titularidade autonómica designados como portos xacobeos co obxectivo de chamar a atención dos navegantes internacionais para que recalen na costa galega. A eles poderán sumarse tamén outros portos de titularidade estatal ou embarcadoiros dependentes dos concellos se así o desexan.
Estas mouteiras -que consisten nun banco con forma de onda fabricado en formigón armado branco e co nome do porto en que se coloca- inclúen unha nota sobre a orixe do peirao e a súa actividade histórica baseada no estudo do investigador do Consello Superior de Investigacións Cientíticas (CSIC) e doutor de Historia Medieval da Universidade de Vigo Francisco Javier Pérez Rodríguez.
O deseño deste indicador, realizado polo arquitecto Lucas Díaz, pretende evocar o perfil costeiro de Galicia, as montañas e os ríos que conflúen no mar ou os propios camiños que entran na comunidade con curvas sinuosas para adaptarse á orografía co obxectivo de que sexa un sinal de identidade do Camiño por mar.
A representante do Executivo galego, que estivo acompañada pola presidenta de Portos de Galicia, Susana Lenguas, salientou tamén que unha das novidades desta sexta edición da travesía Navega o Camiño é o feito de que un dos barcos que participan -no que navegarán tanto ela como a presidenta de Portos de Galicia na etapa de mañá- conta cunha tripulación amplamente feminina coa campioa olímpica Ángela Pumariega como patroa. “Trátase dunha oportunidade única para darlle visibilidade ao gran labor das mulleres neste eido e co que reivindicar o papel da muller no mar e na práctica náutico-deportiva”, explicou Rosa Quintana.
Ruta Navega o Camiño
A travesía náutica xacobea Navega o Camiño comeza mañá e remata o 19 de xuño tras sete etapas por distintos portos da comunidade que van desde Ribadeo ata o río Ulla para chegar a Padrón en catamarán e completar a pé o último tramo do camiño ata Santiago. A participación é libre, sen necesidade de inscrición, pois os navegantes que queiran unirse só teñen que reservar a súa praza de tránsito no porto no que fagan escala.
A frota que participa nesta acción está formada polos barcos das asociacións organizadoras -NorthMarinas, Asnauga e Mariñas de Galicia-, por unha embarcación de vela adaptada coordinada pola Confederación Galega de Persoas con Discapacidade (Cogami) e o barco oficial da Xunta no que viaxarán xornalistas especializados en turismo de medios nacionais e europeos co fin de promocionar os portos galegos no contexto do Xacobeo 2021-2022. Entre as unidades fretadas pola organización atópase o tripulado pola olímpica Ángela Pumariega.
Un dos fitos máis importantes da travesía producirase o próximo xoves 17 de xuño, día no que se atoparán no Real Club Náutico de Portosín os barcos que realizan esta peregrinación por mar desde o inicio e os integrantes da frota participante nunha ruta paralela que ten como punto de partida o porto de Baiona.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
