Lugo, 28 de maio de 2021. A voceira socialista do Goberno, Pilar García Porto, informou de que a Xunta de Goberno deste venres aprobou a adxudicación de 19 do total de 24 lotes nos que está dividido o contrato para o desbroce dos 4.200 quilómetros da rede viaria provincial. En concreto, adxudicáronse os traballos de roza en estradas de 55 concellos de toda a provincia por un importe total de 1,7M€.
En canto aos 5 lotes restantes, que afectan a 12 concellos, a previsión é aprobar a adxudicación na Xunta de Goberno da vindeira semana. As tarefas comezarán neste mes.
“En total, destinaremos á roza das estradas provinciais a través deste contrato máis de 2,5M€, un investimento moi importante, que responde ao compromiso da Deputación de Lugo de mellorar a seguridade na rede viaria provincial, e mellorar a comodidade dos condutores, evitando que a vexetación dificulte a evacuación das augas de escorrentía ou afecte á seguridade dos usuarios polo efecto ‘aquaplaning’ que pode darse, pola redución da anchura transitable e a diminución da visibilidade. Estes traballos tamén favorecen a prevención de incendios durante o verán”, explicou García Porto. O contrato ten unha vixencia de dous anos, con opción de prórroga por outro máis.
En materia de estradas, a Xunta de Goberno tamén aprobou o proxecto e a licitación de novas obras na rede viaria provincial, en concreto, para a mellora da estrada LU-P-5705, entre o concello de Sarria e o Páramo, cun investimento de preto de 90.000 euros. As obras consistirán na rehabilitación do firme mediante regos asfálticos nun tramo de 5 quilómetros, do punto 7,7 ao 12,61, entre os núcleos de Mazadorio e San Martiño da Torre, situados no concello de Sarria e O Páramo, respectivamente.
Así mesmo, a Xunta de Goberno acordou licitar o contrato para a adquisición dunha mini pala cargadora de rodas con cazo e varredora para realizar a limpeza da calzada, permitindo unha mellor adherencia da imprimación e, polo tanto, favorecendo unha mellor calidade das obras. Este novo vehículo, cuxa compra sae a licitación por máis de 60.000 euros, incorporarase á maquinaria do Parque Móbil da Deputación.
Equipamento do CAM Meira
Na súa reunión de hoxe, o Executivo deu tamén luz verde á adxudicación do lote de equipamento do Centro de Atención a Maiores de Meira correspondente ao material de lavandería á empresa Alarsa Hostelera S.L. por un importe de 35.700 euros.
A Deputada lembrou que a pasada semana aprobouse a adxudicación de dous lotes, por un importe de 43.300€, neste caso correspondentes á dotación de equipos médicos, xogos, material pedagóxico e axudas técnicas, e ao equipamento de pequenos electrodomésticos e material de limpeza. Quedan por adxudicar outros dous lotes, para mobiliario xeral e cortinaxe, que están pendentes da presentación de documentación.
O investimento total da Deputación no equipamento das instalacións da residencia de Meira, que prevé abrir de cara ao verán, ascende a 300.000€.
Palla para a Granxa Gayoso Castro
A Xunta de Goberno sacou a contratación o subministro de palla para o gando da Granxa Gayoso Castro cun orzamento base de case 22.000 euros e unha duración dun ano, con posibilidade de prórroga por dous máis.
Aloxamento web
Así mesmo, e para un mellor servizo, aprobouse licitar un contrato para o servizo de aloxamento de sitios web da Deputación de Lugo e de mantemento do servizo de correo electrónico por un importe de 21.700 euros e cunha duración de dous anos, con opción de prórroga por outras dúas anualidades.
Remanentes do Plan Único
Na Xunta de Goberno aprobáronse tamén as solicitudes de tres concellos para destinar remanentes do Plan Único 2020 a novas actuacións. A Pastoriza pavimentará accesos a Negrelos e Sá con 35.000 euros e Cospeito dedicará 75.000 euros á pavimentación de accesos e á dotación de alumeado público en varios núcleos. Por último, Antas de Ulla prevé, con estes remanentes, adquirir elementos complementarios para un escenario.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
