Foz, 26 de maio de 2021. O Concello de Foz anuncia o acordo de todas as forzas políticas municipais para que o historiador focego Xoán Ramón Fernández Pacios sexa o novo cronista oficial.
Por motivos de saúde a causa da súa idade, Suso Fernández renunciou ao cargo de cronista oficial do Concello de Foz a finais do ano 2019, agradecendo “a honra que para min supuxo todo este tempo exercendo como cronista de Foz e a confianza que, por unanimidade, se depositou en min para este cargo”.
Suso Fernández foi un pioneiro en moitos ámbitos, a súa biografía é moi extensa. Cronista oficial de Foz desde o 28 de decembro de 2001, no seu haber destacan fitos como fundar a primeira imprenta e libraría de Foz no ano 1963, presidente-fundador da ACIA, co-fundador da Federación de Comerciantes da Mariña, promotor e director da Feira do Libro de Foz, presidente-fundador da Asociación O Feitizo-Amigos das Artes, cofundador da Asociación Os Bolouros-amigos das setas e do Radio Clube Costa Lugo, cofundador da Coral Polifónica de Foz, presidente-fundador da Asociación da Coral Polifónica de Foz e un longo etcétera. A forte actividade asociacional de Foz é en gran parte froito do traballo e do agarimo de Suso por esta vila, sobre a que escribiu diversos libros: Guía histórica e artística de San Martiño de Mondoñedo, o primeiro libro publicado acerca do importante monumento; Foz, o mar e as xentes; Miscelánea focense, Cartafol de Foz e Foz, un lugar de ensueño. Innumerables son os seus artigos en xornais, aportacións en distintos programas, recoñecementos e premios.
A corporación municipal, reunida en xunta de voceiros, acordou de forma consensuada que o novo cronista oficial de Foz sexa o historiador focego Xoán Ramón Fernández Pacios.
Xoán Ramón, nado en Foz en 1965, é licenciado en Xeografía e Historia pola Universidade de Santiago de Compostela. Actualmente está a desenrolar a súa actividade profesional no Centro de Información e Interpretación do Camiño Norte, situado na cidade de Mondoñedo, do cal é responsable encargado. Alí atende a peregrinos e visitantes en xeral, aos que informa tanto da historia do Camiño de Santiago, en especial do Camiño Norte, como da historia de Mondoñedo e da Mariña. Historiador moi prolífico, ten participado en multitude de conferencias, dirixido exposicións e actuado como secretario en xornadas de estudos, así como feito diversas colaboracións e artigos en revistas como a Revista de Historia Naval, Candea Branca, Nova Ardentía ou a dixital Terra e Tempo. Articulista habitual do xornal El Progreso, podemos lelo de forma habitual no apartado titulado Historias da Mariña, onde aborda diversos temas históricos da Mariña de Lugo. Leva traballando na investigación histórica do concello de Foz desde o ano 1991, no que colaborou no libro das festas do Carme da parroquia de Nois. A partir de aí, foi coautor xunto a Pilar López do libro Recuperación da memoria histórica. Foz no ano 1993 e viu publicada a súa disertación Organización administrativa do concello de Foz (1835-1975) dentro do libro Un pobo con memoria propia. I Xornadas da Historia de Foz, editado pola asociación cultural A Pomba do Arco, que recollía en papel este ciclo de conferencias.
Ademais Xoán Ramón Fernández Pacios leva investigado no arquivo histórico diocesano de Mondoñedo e publicado en Estudios Mindonienses os traballos Libro de usos e costumes do convento de San Martiño de Xubia (Volume 21, 2005) e Poboación e igrexa no bispado de Mondoñedo. 1782 (Volume 23, 2007). É tamén un estudoso do Camiño de Santiago, no que ademais de estudar e documentar os trazados e hospitais, así como o paso de peregrinos polo Camiño Norte sobre o que publicou distintos traballos, especializouse na documentación histórica dun novo trazado xacobeo pola Mariña de Lugo, que el bautizaba co nome de Camiño do Mar, que percorría a costa de Lugo -pasando pola basílica de San Martiño- ata unirse, á altura de Neda, co Camiño Inglés. Publicou diversos estudos, destacando o libro Camiño do Mar, editado pola Deputación de Lugo, no que se recolle por primeira vez unha delimitación do trazado desta ruta e da historia tanto do Camiño como do patrimonio arredor del. Ten investigado tamén sobre a lenda de San Gonzalo, do que publicou o libro San Gonzalo. Bispo Mindoniense no 2008, así como sobre a fidalguía focega cos artigos Vínculo herdeiro da Casa Grande de Marzán, publicado en Bolanda: Revista de Estudos Focegos (2010), e o artigo publicado na revista dixital de Estudios de Genealogía titulado Alonso González de Vilaxoane. Preito de Fidalguía, 1495. Outro tema que investigou é a presenza de corsarios no Cantábrico lucense, entre outros moitos.
O alcalde, Fran Cajoto, reivindica a figura de Suso Fernández -Suso do Bahía- como un referente para Foz e para toda a Mariña. “Foi pioneiro e precursor no asociacionismo cultural e empresarial e tivo tamén visión de comarca, nun momento no que predominaban os localismos. A nivel cultural Suso é e seguirá sendo un modelo a seguir: hai que agradecerlle moito tamén os 18 anos de exercicio no cargo de cronista oficial, un traballo ímprobo e non remunerado e no que deixa o listón moi, moi alto”.
Fran Cajoto destaca tamén “a sorte de contar en Foz con tantos estudosos da historia local, que permitiu barallar varios nomes antes de presentar a candidatura de Xoán Ramón Fernández Pacios, aprobada por unanimidade polos voceiros dos partidos que conforman a corporación local. É moi importante o consenso nunha figura como a do cronista oficial, que nos representa a todas e todos, independentemente da ideoloxía de cada un. Isto di moito de Xoán Ramón: a súa biografía e publicacións están á vista de todos, realmente conta cun currículo impresionante. Pero, ademais da súa traxectoria, destaca tamén o seu carácter e as gañas sempre de colaborar, o seu amor por Foz. Á vista está: unanimidade na figura dunha persoa que nos vai honrar coa súa representación”.
O rexedor municipal anuncia que “o nomeamento oficial farase nun pleno extraordinario que se programa para este verán e que pretendemos que sexa tamén unha homenaxe á figura de Suso Fernández, sobre o que a Delegación de Cultura traballa nunha exposición. A historia de Foz merece ser contada. É o que somos como pobo: afortunadamente contamos con voces e plumas que a poden estudar, analizar, declamar e redactar para que transcenda”.
BNG
Dende o grupo municipal do BNG poñen en valor “a gran tarefa de Suso Fernández, que soubo desenvolver perfectamente a importantísima responsabilidade para deixar pegada da nosa historia. Aproveitamos para felicitar a Xoán Ramón Fernández Pacios pola súa merecida escolla, confiando que será un excelente sucesor. Agradecemos aos dous que co seu traballo en prol do noso pobo, da nosa lingua e da nosa cultura confirmen o expresado hai tempo: A cidade cree que fóra dela non hai máis que paisaxe, patacas e leite. Ignoran que tamén existe unha cultura nobre, antiquísima e insubornable”.
PP
O voceiro popular, Javier Castiñeira, quere agradecer “tantos anos de dedicación e bo facer de Suso Fernández como cronista oficial, que, sen dúbida ningunha, foi a voz e o pensamento dunha xeneración que marcou un antes e un despois na historia deste pobo. E felicitar, por outro lado, a Xoán Ramón Fernández Pacios polo nomeamento. Estamos seguros de que seguirá o legado que deixou Suso dado que ten demostrado o seu cariño a Foz e un gran coñecemento da historia do noso concello”.
FPF
O voceiro de FPF, Víctor Couto, quere mostrar “o seu agradecemento polo tan importante traballo desenvolto por Suso Fernández durante todos estes anos, nos que puxo en valor de forma moi axeitada o nome desta vila. Tamén estamos seguros que ese bo traballo seguirá da man de Xoán Ramón Fernández Pacios, persoa que todos coñecemos pola súa unión coa historia focega e agarimo a esta vila; por iso queremos felicitalo polo seu novo nomeamento”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
