A MARIÑA .- A Plataforma Sanitaria da Mariña compareceu hoxe nunha rolda de prensa na Casa Sindical de Ribadeo para presentar a manifestación que este colectivo ten pensado celebrar o vindeiro Sábado 26 de Xuño ás 12.00 con saída do Hospital da Costa e remate na praza da Mariña de Burela. Os representantes da Plataforma que anunciaron que o colectivo vai proceder a distribuír a propaganda nos 14 Concellos que conforman a Área Sanitaria da Mariña anunciaron que repartiran máis de 3000 cartaces e case 15000 folletos no que explican a situación que provoca esta manifestación. Neste sentido desde o colectivo fixeron un primeiro chamamento para que a poboación da Comarca participe masivamente desta mobilización e agardan que a mesma sexa unha xornada histórica que obrigue a Xunta de Galiza a modificar unha política sanitaria que sitúa á comarca en segunda división.
A política privatizadora e de centralización de servizos pon en risco o sistema sanitario público e a calidade asistencial na comarca da Mariña
Neste sentido desde a plataforma insistiron na necesidade da mobilización social para paralizar a política privatizadora da sanidade que está a levar adiante o Goberno Galego e que propón un novo modelo de organización do sistema sanitario que pretende centralizar servizos nas grandes cidades. Esta orientación está a provocar xa unha importante merma na calidade asistencial e está a poñer en risco o sistema sanitario público no conxunto da comarca, en vías de desmantelamento e ao borde dun autentico colapso.
Parálise do Plano Estratéxico do Hospital de Burela e recortes no servizo de asistencia primaria
Segundo os representantes da Plataforma, máis alá da palabrería o novo modelo concrétase na centralización dos servizos hospitalarios na cidade de Lugo e xa que logo a perda de servizos e especialidades no Hospital da Costa así como desprazamentos constantes da poboación da Mariña ao Hospital de Lugo para realizar probas e consultas que ate agora realizaban no Hospital de Burela. Asemade a redución do gasto sanitario nas contas públicas provocou que o “Plano Estratéxico do Hospital da Costa” xa aprobado, se quedase sen dotación orzamentaria neste ano, o que imposibilita a ampliación do Hospital da Costa, impide a ampliación do seu catalogo de servizos e prestacións e reduce os seus medios materiais e humanos. Na mesma liña criticaron a paralización do Plano Mellora co que se pretendía aumentar os recursos dos médicos de familia así como delegar neles determinadas funcións que desenvolvían os especialistas. Agás no caso da receita electrónica que se está a introducir con grande lentitude, no caso da Mariña os aspectos que se recollían neste plano seguen sen facerse realidade. Tanto é así que desde a Plataforma ven a atención primaria ao borde do colapso tanto por falta de medios humanos, como pola supresión de servizos que se viñan prestando como pola paralización de servizos que se ían implantar.
Sería bo que a Conselleira de Sanidade dera motivos reais para desconvocar a mobilización do 26 de xuño
Os portavoces da Plataforma afirmaron que non van entrar en polémicas interesadas coas que se pretende desvirtuar o sentido da mobilización e lamentan as declaracións e as posicións de algúns representantes públicos que sitúan diante os intereses partidarios que os intereses dos seus representados. Estas mesmas declaracións públicas o que pretenden é facer posíbel o desmantelamento da sanidade da Mariña e non deixa de ser lamentábel que calen a boca para defender unha mellor atención sanitaria para os seus veciños e non esixan que se solucionen as carencias que se dan nos Centros de Saúde no que algúns deles son alcaldes. Neste sentido desde a Plataforma anunciaron que van seguir a traballar pola mellora da calidade asistencial na Comarca e nese sentido resulta lamentábel que haxa xente na Mariña que tire nunha dirección totalmente oposta, “sería bo que a Consellaría de sanidade nos dera motivos para desconvocar a mobilización e aínda está tempo antes do 26 de Xuño, simplemente garantan a independencia da area sanitaria da Mariña, doten de fondos e executen o Plano estratéxico do Hospital e executen o Plano mellora para atención primaria”, remataron desde a Plataforma.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
