Viveiro, 29 de abril, 2021. O concello de Viveiro conta cun importante número de asociacións, clubes e entidades sen ánimo de lucro que desenvolven unha importantísima labor que promove a creación de redes asociativas, fomenta hábitos de vida sudábeis e xera actividade e dinamismo para a nosa veciñanza. A destacar o papel desinteresado destas organizacións, nas que as directivas desenvolven a súa labor coa maior eficiencia sen nada a cambio. Son moitas as horas e a dedicación destas persoas que fan posíbel sacar adiante un clube, mais en retorno pouca axuda se lles está a aportar dende o Concello.
O BNG de Viveiro vén de reunirse co groso das asociacións, clubes e entidades sen ánimo de lucro de Viveiro para constatar unha vez máis, a necesidade imperiosa de mudar o sistema de adxudicación das subvencións que vén facendo o goberno do PSOE sen aplicar ningún criterio obxectivo. Esta é a principal demanda que nos trasladan e que debe ser atendida coa maior das urxencias.
Demandan un reparto de fondos públicos en base a criterios de obxectividade, concorrencia e publicidade que garantan a transparencia das actuacións administrativas, poder participar e ser escoitados por parte do Concello en todo o que ten a ver coas subvencións que lles son outorgadas, xa que o actual sistema, discrecional, está a dificultar e moito o desenvolvemento da súa actividade. Primeiro, porque as cantidades concedidas en base a criterios subxectivos, non son suficientes para desenvovler cun mínimo de decencia a súa actividade; e segundo porque non lles permite deseñar a súa actividade cun mínimo de previsión, polo que reclaman a adxudicación de fondos a dous anos vista.
Esta situación está a ocasionar un profundo malestar na veciñanza, especialmente na que colabora directamente con entidades e colectivos cidadáns sen ánimo de lucro, pois os repartos non garanten a equidade nin permiten desenvolver a súa actividade de forma eficiente.
O goberno de María Loureiro debe ser coñecedor de que no Concello de Viveiro está vixente dende o ano 2004 a ORDENANZA REGULADORA DA CONCESIÓN DE SUBVENCIÓNS DO CONCELLO DE VIVEIRO, con data de publicación definitiva 2 de xuño de 2004. Lembramos que este texto naceu a inciativa do concelleiro nacionalista, Xosé Antón Goás Basanta (Mitas), responsábel da área de deportes como membro do bipartido BNG-PSOE, e nel se estabelecen as bases e criterios para o reparto de fondos públicos municipais conforme e que non se está a aplicar.
Polo anteriormente exposto, o BNG presenta esta moción, posta en común coa gran parte das asociacións, clubes e entidades sen ánimo de lucro de Viveiro, demandando a aprobación dos seguintes acordos:
1. O equipo de goberno do concello de Viveiro, calquera que sexa a súa composición, comprométese a partir da data de aprobación desta moción a aplicar a ORDENANZA REGULADORA DA CONCESIÓN DE SUBVENCIÓNS DO CONCELLO DE VIVEIRO aprobada en data 2 de xuño de 2004.
2. Levarase a cabo a creación dunha comisión da que formen parte todas as entidades e colectivos cidadáns sen ánimo de lucro do concello de Viveiro así como os grupos políticos presentes na Corporación, para acordar AS BASES REGULADORAS da concesión de ditas subvencións que deberán estar elaboradas para a súa aplicación dende o vindeiro orzamento do ano 2022.
3. Garantir que todas as entidades e colectivos cidadáns sen ánimo de lucro do concello de Viveiro conten co apoio técnico dos Servizos Económicos do Concello de Viveiro para o trámite e información das xestións habituais destas entidades.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
