Santiago de Compostela, 27 de abril, 2021. A portavoz de Montes do BNG, María Albert defendeu unha moción para evitar as plantacións ilegais do Eucalipto mentres non sexa aprobada a moratoria anunciada pola Consellaría de Medio Rural. A proposta do BNG foi rexeitada polo Partido popular.
Na súa intervención, a deputada nacionalista urxiu ao goberno a tomar as medidas precisas para a protección preventiva de superficies de frondosas, áreas de interese ambiental e patrimonial así como superficie de vocación agrogandeiras evitando que sexan obxecto de plantacións ilegais de eucalipto que se están a multiplicar en zonas inhábiles para ese uso.
Por outra banda, a moción do BNG tamén incluía a elaboración dunha lei de ordenación das masas de eucalipto coa retirada das devanditas masas das zonas agropecuarias, de protección medioambiental e bosques de ribeira.
María Albert urxiu a consellaría de Medio Rural a garantir unha xestión sustentábel e poñer fin ao descontrol de novas plantacións a través dunha regulación do eucalipto en Galiza.
Dende que o conselleiro de Medio Rural anunciou a palabra “moratoria”, afirmou Albert, comezou neste país unha carreira pola plantación de eucalipto en cada metro cadrado de superficie apto para elo “apto, non legal” recalcou. Agora vale todo, talar piñeiros que non cumpriran o turno de corta, continuar a plantar en zonas agrícolas, en zonas de que até o día de hoxe tiñan monte raso ou en zonas de Rede Natura…
“Todo vale”, recalcou, ante a promesa da rendibilidade económica do eucalipto e o augurio de que calquera outro tipo de aproveitamento da terra está condenado á perda económica e ao escaso retorno. Dende o BNG levamos alertado dende hai máis dun mes dunha carreira sen freos de novas plantacións de eucalipto sen que a Xunta fixera nada.
Pero non só o BNG, engadiu, tamén os medios de comunicación, sindicatos, agrupacións madeireiras, asociacións ecoloxistas, técnicos forestais, viveiristas, e incluso grandes multinacionais do sector levan constatado este “boom eucaliptizador” mentres o conselleiro nega esta realidade afirmando que “non se dan evidencias tanxíbeis dun efecto chamada”.
Dende o BNG non dicimos que o eucalipto sexa malo “per se”. Non hai especies boas e malas e esta especie, está claro, ten un papel importante no desenvolvemento forestal de Galiza. O que hai, remarcou, “é unha xestión forestal boa ou mala” e aquí a xestión forestal “é nefasta” e sigue a máxima de “deixar facer, ti vai facendo” para recadar bos réditos políticos para o Partido popular e resultando “demoledor” para o futuro de Galiza.
Pero imos falar da súa campaña publicitaria dunha moratoria do eucalipto. Desa moratoria que anuncian en prensa e que, din, está previsto alongar até decembro de 2025. Esa moratoria que o conselleiro tivo aquí o outro día a ousadía de afirmar que o BNG votou á contra no Plan Forestal cando nin sequera a presentaron a votación.
Ao final que é o importante? Que é realmente do que estamos a debater? preguntou a nacionalista. Debatemos se o monte galego ten que ser un espazo adicado case en exclusiva á produción forestal de baixa calidade ou se consideramos que hai outros usos que achegan máis valor engadido e riqueza social.
O que non é de recibo é que a posición oficial da Xunta de Galiza sexa a que relatou aquí o conselleiro do Medio Rural no último Pleno, “Que a diagnose do monte está consensuada co sector forestal no Consello Forestal de Galiza”. Probabelmente nesa afirmación residan boa parte dos males do noso monte. Desde o BNG non nos cansaremos de remarcar que a política de montes neste país ten que ir moito máis aló e esa é unha parte pero non a única faciana da política de montes. Os intereses do sector forestal non poden ser os únicos que deben primar. Hai usos agrícolas, usos gandeiros, hai espazos que requiren dunha protección ambiental, importantes valores culturais e patrimoniais, hai aproveitamentos micolóxicos, realízanse usos sociais, deportes, actividades educativas.
A deputada afirmou que “non hai planta nos viveiros”, FINSA ten recoñecido un aumento exponencial da entrada de madeira de piñeiro dun calibre menor, asociacións ambientais continúan a recibir ducias de denuncias, o Clúster da Madeira certifica a tendencia, as asociacións forestais falan dunha tala indiscriminada de piñeiros “os piñeirais estanos arrasando” titulaba o domingo El Progreso de Lugo en boca dun viveirista de Mondoñedo, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
