O Valadouro, 23 de abril, 2021. Cando en todo el mundo téndese a minimizar a sinalización vertical e a facer trazados más rectos, fáciles e intuitivos polo centro dos cascos urbanos, o equipo de goberno de O Valadouro está realizando en Ferreira unha “mellora” da circulación viaria que moitos veciños tildan, con razón, de absurda…
Levamos varias semanas nas que non se para de poñer sinais verticais, e as que quedarán… porque hai 119 compradas segundo o proxecto.
Algunhas estanse a colocar nos lugares más inverosímiles e perigosos, incluso directamente na vía, cando está demostrado que este tipo de sinais supón un risco, sobre todo para motoristas e ciclistas, e de feito, nestes poucos días, algunha xa causou accidentes, grazas a Deus sen danos persoais polo de agora.
Noutras zonas a masificación é tal que parece tratarse do trazado dun circuíto, como sucede na explanada do Parque Concepción Arenal. Claro que, buscándolle unha utilidade a este despregamento, hai que sinalar que agora podemos propoñer á Xefatura Provincial de Tráfico que teñan este pobo en conta para a realización das probas da licenza de conducir, porque si un chofer novel logra superar unha voltiña por Ferreira, sen saltarse o levar por diante algunha sinal, estará preparado para circular por calquera cidade do mundo sen problemas.
Respecto ó novo trazado, encontramos tantos sen sentidos que xa non sabemos que destacar. Hai rúas nas que as normas impostas rozan o absurdo como é o caso de Triana, na que os veciños vense obrigados a baixar e subir como nun Scalextric. Aínda que a maioría dos habitantes do pobo non saen moito mellor parados porque para poder acceder ó centro ou para ir cara a Foz, Mondoñedo ou Ribadeo desvíanos ata á zoa onde se encontra o colexio, a piscina, un parque infantil, a gardería, a residencia da terceira idade e a Casa da Cultura e, para máis inri, todos os vehículos que veñan de Alaxe, Tanín, parte de Sta Cruz e Budian ou Vilacampa tamén deberán ir por alí, incrementándose perigosamente o tránsito rodado nunha zona frecuentada por nenos e maiores.
Tamén é complicado entender porqué o novo plan presenta un trazado ondular por Andrés López Palmeiro. Os vehículos entran polo carril da esquerda, logo pasan ó da dereita para, pasada a praza, volver a esquerda e, aínda por riba, existirán zonas de estacionamento cun máximo de tempo permitido de 20 minutos, e os venres dende a primeira hora da mañá non se permite utilizar numerosas prazas para deixar os sitios libres para os postos do mercado do sábado. Nós comprendemos que hai que ser previsores, pero 24 horas de antelación parécenos excesivo.
O que queda claro e que agora quen veña a Ferreira e ata os que vivimos aquí teremos que poñer os cinco sentidos e fixarnos moito, pois con tanta sinalización e normas novas, con nada que nos despistemos ou entreteñamos pode que acabemos“infrinxindo a lei”.
Dende UDIVAL, pedimos que este goberno deixe de complicarlle as cousas ós veciños e de dilapidar cartos. Agora acaba de gastar case 50.000€ neste planeamento, pero xa antes enterrou: 45.000€ na Aula da Natureza (que nin sequera sabemos para que sirve), no antigo matadoiro municipal, xa non se sabe cantos MILLEIROS de euros no proxecto-soño dos invernadoiros, ou no notable incremento do parque móbil e maquinaria muncipal.
Se non fora porque hai moitos cartos gastados e serían tirados, e porque a nosa percepción pode estar errada, pediríamos volver á planificación viaria anterior, pero nestes intres, cos cartos xa invertidos, parécenos unha insensatez pola nosa parte. O tempo e os veciños, son os que realmente demostraran se este cambio é un erro.
Agora mesmo o único que podemos facer dende a oposición é aportar un pouco de sentido común coas nosas mocións e rogos. De feito neste próximo pleno pediremos varios cambios e axustes, como que se elimine a sinalización vertical que está, nalgún caso, invadindo a vía.
O triste de todo isto é que neste caso o goberno municipal de O Valadouro, e o noso ben querido alcalde seguindo a súa pauta habitual, excepto cando necesita cartos do remanente bancario, antes de poñer en marcha o novo plan viario, non consultou os cambios nin co resto dos grupos políticos nin cos veciños, quedando claro que aínda hai gobernantes que se cren posuidores da razón absoluta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
