LUGO .- Pode verse no Museo de Lugo á exposición “O Castro da Atalaia, unha mostra excepcional do noso Patrimonio”, iniciativa da asociación MariñaPatrimonio que conta co patrocinio da Área de Cultura e Deporte da Deputación de Lugo e coa colaboración do Museo Provincial de Lugo, da asociación LugoPatrimonio e de ADEGA. Segundo a Comisión Provincial de Patrimonio, reunida o pasado 27 de maio, emitiu ditame de acordo ao cal a importancia histórica e patrimonial do xacemento confírenlle un especial valor para coñecer a historia do lugar, que supón un gran recurso tanto cultural como turístico para San Cibrao e para toda a Mariña, polo que recomendan a conservación in situ do mesmo.
Nota de Prensa
ANTONIO VEIGA ASISTIU Á INAUGURACIÓN DA EXPOSICIÓN SOBRE O CASTRO DA ATALAIA, DE MARIÑAPATRIMONIO
A exposición “O Castro da Atalaia, unha mostra excepcional do noso Patrimonio” trata de chamar a atención sobre a situación deste xacemento, ameazado por unha actuación urbanística
Novos informes da Comisión Provincial de Patrimonio avalan a intención da Dirección Xeral de Patrimonio do anterior goberno galego de conservar o xacemento in situ, dada a súa importancia cultural e turística
LUGO, 07 de xuño de 2010. O delegado de Cultura da Deputación de Lugo, o nacionalista Antonio Veiga, asistiu hoxe no Museo de Lugo á inauguración da exposición “O Castro da Atalaia, unha mostra excepcional do noso Patrimonio”. A mostra, que é un traballo de MariñaPatrimonio e conta co patrocinio da Área de Cultura e Deporte da Deputación de Lugo e coa colaboración do Museo Provincial de Lugo, da asociación LugoPatrimonio e de ADEGA, permanecerá aberta até o día 21 de xuño no Refectorio do Museo.
A intención de Mariña Patrimonio ao organizar esta actividade era chamar a atención sobre a vergoñenta situación na que se atopa este importante xacemento castrexo de San Cibrao. O Castro da Atalaia está ameazado por unha actuación urbanística que nunca se debeu iniciar, e que proxecta a construción de dous edificios de 32 e 26 vivendas no xacemento. Novos informes avalan a que era a intención da Dirección Xeral de Patrimonio do anterior goberno galego: a Comisión Provincial de Patrimonio, reunida o pasado 27 de maio, emitiu ditame de acordo ao cal a importancia histórica e patrimonial do xacemento confírenlle un especial valor para coñecer a historia do lugar, que supón un gran recurso tanto cultural como turístico para San Cibrao e para toda a Mariña, polo que recomendan a conservación in situ do mesmo.
Esta conservación é incompatíbel cos dous proxectos arquitectónicos con licenza municipal para a zona que prevía a construción das 58 vivendas. Agárdase agora unha resolución definitiva que preserve o xacemento, para o que será necesario que se corrixan os erros antes cometidos, utilizando os medios que correspondan, neste caso achegar posturas para acadar acordos que preserven e poñan en valor o xacemento. A administración do Estado tamén debe cooperar, ao igual que o está a facer noutros puntos, para recuperar o Castro da Atalaia en terreos que son da súa competencia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
