Viveiro, 13 de abril de 2021. O Concello de Viveiro impulsa unha campaña de concienciación sobre a lingua de signos, cun contacontos en LSE e un curso online de formación en lingua de signos de 40 horas.
Este proxecto dá continuidade ao convenio firmado a semana pasada polo goberno local coa Fundación “La Caixa” e CaixaBank para adquirir cinco mochilas vibratorias Subpac que garanten a accesibilidade da comunidade xorda á programación cultural municipal.
“A inclusión é unha das prioridades do noso grupo de goberno, polo que é un orgullo ver como este tipo de iniciativas se poñen en marcha no noso municipio”, destaca a alcaldesa de Viveiro, María Loureiro.
Hoxe, martes 13 de abril, comeza o curso online de introdución á lingua de signos, impartido por Miriam Aller, intérprete de Entresignos, e que terá unha duración de 40 horas. A formación diríxese ao persoal dos centros educativos e doutras asociacións do municipio que estean en contacto tanto con alumnos como con persoas con diversidade funcional. O obxectivo do goberno local é que polo menos un representante de cada centro educativo de Viveiro poida gozar desta formación.
“O próximo ano queremos impartir un curso presencial máis longo, sempre e cando as condicións sanitarias o permitan e se os centros educativos así o solicitan”, explica Lara Fernández Fernández-Noriega, concelleira de Cultura de Viveiro.
Doutra banda, este sábado 17 de abril, presentarase o contacontos “Di e os amorodos”, a cargo de Paula Gándara, intérprete de LSE. O conto incluirá unha parte narrada en lingua de signos.
A función será ás 12:00 na sala multiusos do Concello de Viveiro e diríxese a nenos e nenas a partir dos 5 anos. Debido ao contexto sanitario, as prazas para o contacontos serán limitadas, polo que cómpre reservar previamente a través de WhatsApp no teléfono 654208333.
“O contacontos permitirá que os máis pequenos tomen contacto con esta linguaxe, cumprindo co noso obxectivo de sensibilizar a todas as idades e lograr facer do noso concello un lugar máis accesible”, subliña a concelleira de Cultura.
A programación é parte do proxecto “Viveiro Inclúe”, unha iniciativa que terá continuidade no longo prazo e coa que o goberno local pretende que Viveiro sexa accesible para as persoas con diversidades funcionais, cognitivas ou psicolóxicas. Esta iniciativa conta coa participación da concellería de Benestar Social, dirixida por Victoria Baamonde.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
