Viveiro, 29 de marzo, 2021. A creación da Provincia Marítima de Lugo no decreto 432/2002, de 10 de maio, foi fundamental para a estrutura periférica da administración marítima. A día de hoxe, a provincia de Lugo é a única provincia do Estado con mar e sen Autoridade Portuaria, a pesar de que é nesta provincia e concretamente na comarca da Mariña, onde se atopa o porto de Alcoa, un porto con alto volumen de negocio. Os datos que publica a Autoridade Portuaria Ferrol – San Cibrao anualmente reflicten que este organismo estatal non chega a invertir na provincia de Lugo, nin en San Cibrao nin na Mariña nin siquera o 5% do recaudado aquí no peirao de Morás por taxas e outros conceptos cando estamos a falar de cantidades anuais tremendamente importantes que rondan os 10 millóns de euros. Non hai mais que ir ao documento dos Orzamentos Xerais do Estado 2021 para comprobar que no Anexo de Inversions Reais para 2021 e programación plurianual anualizada as partidas destinadas ao ámbito portuario mariñao son 0€, agás algunha migalla en partidas xenéricas, mentras baixo o epígrafe “Ferrol-San Cibrao” as inversións que alí aparecen refírense só a Ferrol.
O Porto de San Cibrao, declarado de interés xeral en virtude da Lei 27/1992 de 24 de novembro de Portos do Estado e da Marina Mercante sigue hoxe xestionado pola Autoridade Portuaria Ferrol-San Cibrao creada polo Real Decreto 1590 de 23 de decembro de 1992, e entendemos que polo anteriormente exposto sobran motivos e xustificacións, de índole económica, de ordenación do territorio, de planificación de infraestruturas e de índole social e política para que a provincia de Lugo conte con Autoridade Portuaria propia, máxime se temos en conta tamén que dependente da Autoridade Portuaria Ferrol – San Cibrao, e en réxime de concesión ata 2023, a multinacional Alcoa está explotando o porto comercial de San Cibrao, porto que no seu día foi construido polo INI.
De acordo a esta concesión, Alcoa utiliza únicamente o dique sul, o que significa o non aproveitamento do dique norte para a súa utilización para o tránsito comercial. A este respecto débese ter en conta que a posta en funcionamento do dique norte, tal como consta en diferentes estudos e anteproxectos elaborados, nalgúns casos por organismos públicos, significaría habilitar un peirao de atraque de 240 metros de lonxitude para buques de 222 mts de eslora, 11,5 mts de calado e 50.000 m2 de esplanada portuaria, sendo compatíble co uso que fai Alcoa do dique sul.
O ente público Portos de Galicia realizou no ano 2010 un “Informe de viabilidade da apertura do Dique Norte San Cibrao-Morás ao tráfico comercial” no que se demostra a viabilidade operativa, construtiva, de tráficos e económica (30 M€), e donde a participación dunha autoridade portuaria propia tería tamén de suma importancia. O Porto de San Cibrao é o de maior calado de A Mariña e con esta actuación optimizaríase esta infraestrutura portuaria ao permitir levar a cabo unha actividade comercial portuaria independente e/ou complementaria á que na actualidade se desenvolve por Alcoa.
Esta infraestrutura traería consigo unha maior dinamización socioeconómica de A Mariña e, por extensión, da nosa provincia, dinamización mais que necesaria sobre todo pola situación que se está a vivir polo incerto do futuro industrial da comarca, sendo necesario agora mais que nunca que os beneficios do Porto de San Cibrao revertan na comarca e na provincia, e que A Mariña conte cun porto comercial no Dique Norte de Morás dependente dunha Autoridade Portuaria propia, en consonancia coa condición de provincia marítima que tén Lugo desde o ano 2002.
Por todo o anteriormente exposto solicitamos desta corporación municipal a adopción dos seguintes acordos:
1. Instar ao Goberno do Estado á creación da Autoridade Portuaria de San Cibrao, segregándoa da Autoridade Portuaria Ferrol-San Cibrao.
2. Instar ao Goberno da Autoridade Portuaria Ferrol-San Cibrao a que en tanto non se cree a autoridade portuaria de San Cibrao proceda a unha redistribución dos ingresos obtidos a través do porto de San Cibrao de xeito que estes ingresos revertan na costa de Lugo.
3. Instar ao Goberno do Estado para que inicie as negociacións oportunas para liberalizar e abrir ao tráfico comercial o dique norte do Porto de Alcoa en San Cibrao.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
