LUGO .- Artesáns de Europa celebran o decimo quinto aniversario do CENTRAD nun encontro que reivindica a innovación da artesanía. Artesáns de Galicia, Andalucía e Finlandia expoñen chamativas pezas feitas con cobre, lana, plástico, papel, ou cables, e que combinan tradición e deseño.
Nota de Prensa
Artesáns de Europa celebran o 15º aniversario do CENTRAD nun encontro que reivindica a innovación da artesanía
– O contorno do Centro de Cestería do Río Rato acolle a recoñecidos profesionais dende hoxe e ata o domingo nos III Encontros Internacionais de Cestería
– Artesáns de Galicia, Andalucía e Finlandia expoñen chamativas pezas feitas con cobre, lana, plástico, papel, ou cables, e que combinan tradición e deseño
– Lara Méndez subliña que “con estes encontros queremos amosar que a cestería é unha arte que avanza e ten moitas posibilidades no mercado laboral”
A Vicepresidenta Segunda da Deputación, Lara Méndez, inaugurou este xoves os III Encontros Internacionais de Cestería que, dende hoxe e ata o domingo, terán lugar no contorno do Centro de Cestería do Río Rato. Trátase dun acontecemento que conmemora o 15º aniversario do CENTRAD, e no que están a participar recoñecidos artesáns de Galicia, Andalucía e Finlandia. Lara Méndez subliñou que “con estes encontros queremos amosar que a cestería é tradición, deseño e, en definitiva, é unha arte que avanza e ten moitas posibilidades no mercado laboral”.
A responsable da área de Promoción Económica e de Emprego destacou que “esta é unha reivindicación que vimos facendo dende o CENTRAD onde dende hai anos traballamos para impulsar unha labor que nos identifica, e que forma parte da nosa esencia”. Neste senso, salientou que estes encontros servirán para seguir potenciando a artesanía, e para promocionar a provincia no exterior.
Exposicións
O Centro de Artesanía e Deseño, dependente da Deputación, situou nesta zona da capital varias carpas divididas por rexións onde os propios artesáns ofrecerán demostracións, cursos, e conferencias.
Nun destes espazos Finlandia, país convidado, sorprenderá ós participantes con mostras que rompen coa tradición para dar paso o deseño. Deste xeito, as finlandesas Anelma Savolainen e Anna-María Väätäinen, coñecidas profesionais logo de investigar e recuperar técnicas artesanais no seu país, presentan pezas con innovadoras formas e tamaños, feitas con materiais que nunca se empregaran como cobre, papel, plástico, e mesmo cables.
Da mesma forma, o país nórdico tamén comparte a pura tradición mediante os traballos de Pertti Junninen e Simo Lappi, artesáns que expoñen pezas de madeira na súa maioría, e con uso cotián.
Na carpa da comunidade convidada, Andalucía, a innovación tamén estará presente mediante traballos con moita cor para os que se empregaron materiais reciclables. Os artesáns participantes son: Antonio Rodríguez, destacado profesional polos seus traballos de palmito; Enrique Blanco, artista que realiza particulares alfombras de esparto chamadas ubedíes; Francisco López, artesán que sobresale na cestería de cana; e Manuel Llores, cesteiro que mantén viva a tradición do esparto no seu lugar de orixe.
Carpa de Galicia
Preto de 20 artesáns galegos achegan as particularidades da cestería nas distintas zonas da Comunidade. Deste xeito, poderanse ver os sombreiros de Noia; as nasas das Rías Baixas – pezas empregadas para a pesca -, os paxes da Marina – cestos con forma cóncava -, ou os megos do Courel – pezas cunha só asa empregadas para recoller castañas -.
O CENTRAD expón unha mostra dunhas 50 exclusivas pezas que a Deputación logrou recuperar. É o caso das patelas, recipientes baixos e anchos onde se expón o peixe sen que este se acumule, ou as corozas, pezas de palla de centeo ou xuncos que serven para protexerse da choiva.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
