Santiago de Compostela, 17 de marzo, 2021. A través dunha pregunta parlamentaria, o deputado do BNG, Daniel Pérez denuncio a “improvisación” da Xunta na desescalada da hostalaría e demandou “axudas directas” ante o fracasado Plan de rescate. O deputado destacou as dificultades do sector da hostalaría para acceder a páxina web Turespazo e ao código QR.
O nacionalista insistiu en que o sector precisa volver a actividade e cuestionou “a rapidez da Xunta para o peche e lentitude para abrir”. O sector, dixo está cansado de seren culpabilizado e de axustarse a “unha apertura desigual” con tres niveis de restricións e sen “axudas directas”.
A desescalada, explicou, supuxo que na maior parte de Galiza, reabrir a hostalería o venres 26 de febreiro, mantendo o límite horario das 18.00, e podendo, no mellor dos casos, servir no interior cun límite do 30% e coas terrazas a metade de ocupación. Nos catro días seguintes á publicación a esa orde do 25 de febreiro, “hostaleiros e hostaleiras con facilidade e preparación dixital desesperáronse para poder darse de alta na web de Turespazo, xa que daba erro continuamente e no 012 non levantaban o teléfono por mor do colapso”.
Esta situación provocou un “auténtico caos” que constata a “improvisación e precipitación” da Xunta. O plan de hostalería segura estableceu unhas medidas que non foron consensuadas e cunha orde confusa, allea a realidade do sector, e incidindo na culpabilización dos hostaleiros, por parte da administración autonómica”.
Dificultades para utilizar o código QR
En opinión do parlamentario nacionalista, o sistema de control a través de código QR é, un “facer que fago” e esta ferramenta na práctica, “non vai ser efectiva, polo menos, no inmediato” porque moitos pequenos locais, moitos deles familiares, espallados por Galiza carecen da formación dixital necesaria para implementalo ao que hai que sumar as dificultades de cobertura que limita a súa efectividade. Funcionará nos locais máis modernizados, con boa cobertura, e con clientela con formación dixital pero “inservible” en moitos outros casos.
Daniel Pérez tamén preguntou ao goberno de que maneira vai colaborar o goberno galego cos concellos ante os gastos extraordinarios asumidos durante o control das medidas de prevención da COVID.
Para o deputado, a Xunta “pecou de falta de diálogo, pecou de non trazar hai meses unha folla de ruta a medio prazo para compaxinar a actividade e control sanitario, e pecou de non explorar alternativas ao peche”.
Unha apertura precipitada e sen medios
Tras a intervención da directora xeral de Turismo, Nava Castro, o deputado reiterou que as asociacións en defensa da hostalaría non foron consultadas sobre as novas medidas e a desescalada de Febreiro, remarcou “foi precipitada” mesmo para solicitar asesoramento. Falta “un plan a medio prazo” para que os hostaleiros poidan realizar a súa actividade con certa normalidade e non “con esta chapuza da Xunta”. Na práctica, advertiu Daniel Pérez, as medidas do goberno non garanten “a máxima seguridade e control” para a acceder aos establecementos. O sector non foi dotado dos medios para poder implementar as novas medidas. Os hostaleiros, dixo, teñen a sensación de estar como ao comezo da pandemia e o descontento do sector é palpábel, como se puido comprobar na manifestación que o pasado sábado reuniu a centos de hostaleiros de toda Galiza en Santiago de Compostela, convocada pola plataforma pola defensa da hostalería, que aglutina a máis de 3.500 empresas do sector.
A Xunta dixo, debe escoitar as demandas do sector que reclama unha mesa de traballo para establecer un diálogo entre o goberno galego, unha representación ampla e plural do sector, economistas da universidade galega e do consello galego de economistas co fin de elaborar un auténtico plan de rescate que se proxecte a curto-medio prazo e impida a volatilización da hostalería galega.
Finalmente, Daniel Pérez volveu a reclamar “axudas directas” ante un ineficaz Plan de rescate que o deputado tildou de “parche” e con requisitos inaccesibles para un gran número de hostaleiras e hostaleiros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
