Foz, 26 de febreiro de 2021. O alcalde de Foz, Fran Cajoto, aclara que os traballadores do Servizo de Axuda no Fogar (SAF) neste concello non recibiron as vacinas contra o Covid-19 porque o SERGAS non as enviou aínda.
O rexedor municipal explica que o Concello “remitiu cando o solicitaron o listado desas traballadoras á FEGAMP e esta entidade trasladoullo á Consellería de Sanidade en tempo e forma. O motivo real polo que non recibiron as vacinas é porque estas non chegaron , co cal as críticas do PP por este asunto en todo caso deberían ir dirixidas ao SERGAS, departamento da Xunta de Galicia que é o encargado de enviar as vacinas e poñelas”.
Fran Cajoto engade que “nun pleno de hai uns meses o PP de Foz pediu que a Deputación contratara médicos para o Centro de Saúde e agora atrévese a aseverar que os traballadores do SAF non se vacinan por culpa do alcalde, cando o Concello enviou os datos persoais de todo ese persoal en tempo e forma. O PP de Foz descoñece por completo que se están vacinando aos traballadores dos SAF dos concellos en función da dispoñibilidade de vacinas, segundo as ordes que transmite o SERGAS, non os concellos. E hai varios municipios da Mariña nos que non se está vacinando aínda a este persoal, algo que se fará nos próximos días. Xa está ben de falsidades. Estamos en permanente contacto coa xerente do distrito sanitario, María José Cortés, nun clima de total colaboración. Eu digo basta: coa saúde non se xoga, coas vacinas contra a maldita pandemia non se xoga. E pido un pouco de respecto aos concellos, aos traballadores do SERGAS e ás veciñas e veciños de Foz”.
O alcalde de Foz aclara tamén que dá estas explicacións en resposta ás críticas do PP porque “se non houbera este motivo non falaría deste asunto agora pois consideramos que as vacinas e outras cuestións relativas á pandemia non deberían usarse para liortas políticas partidistas porque son asuntos moi serios”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
