Lugo, 22 de febreiro de 2021. O grupo municipal do PP focense destaca que “grazas aos fondos da Xunta de Galicia, o Concello poderá mellorar dúas estradas locais en Villaronte, cos mais de 40.000 euros cos que Agader financia o plan de mellora de estradas rurais en Foz”. A concelleira popular Verónica Soto sinala que “a mellora será substancial, porque suporá renovar integramente estas dúas estradas, que o Concello de Foz ten en moi mal estado; trátase da pista que une as estradas provinciais e autonómicas e a que enlaza esta con Mañente”.
Soto lembra que “a rede viaria local de Foz está en moi mal estado; o pouco que fixo este goberno nas estradas estivo centrado en tapar de mala maneira as fochancas, que volven aparecer ao pouco tempo”. Engade: “O sistema que usou o goberno local este inverno foi totalmente ineficaz é perigoso, porque o que se conseguiu foi crear zonas inestables nas calzadas, das que salta grava miúda que ocasiona un grave risco de caída a motoristas e ciclistas e de danos a vehículos e persoas”.
A mesma concelleira popular explica que “a Xunta promove co seu plan de arranxo de camiños municipais financiado por Agader a mellora integral de estradas rurais coa idea da permanencia e a durabilidade, o cal garante varios anos de bo estado”. Soto lembra que “o Partido Popular de Foz apoiou este proxecto, votou a favor na pasada comisión de asuntos de pleno e agradece o compromiso da Consellería de Medio Rural cos concellos e coas nosas parroquias”.
Verónica Soto di: “Nestes últimos anos, con estes fondos arranxáronse estradas na maior parte das parroquias de Foz; esperamos que o equipo de goberno local atenda as reclamacións de moitos veciños do rural que, como os de Villaronte, se queixan do mal estado dos acceso aos núcleos e ás áreas recreativas como a de Fondás, que están imposibles”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
