Viveiro, 22 de febreiro, 2021. O saúdo da alcaldesa na páxina web do Concello de Viveiro é do 1 de xullo do 2015, presenta “Unha fiestra aberta ao mundo nova e mellorada coa que se pretende establecer unha nova canle de comunicación entre a administración e o cidadán”. Tras mencionar ao cidadán e olvidarse da cidadá, continúa explicando que os obxectivos desta plataforma serán “informar, facilitar as relacións administrativas, fomentar o turismo, dotar a xestión municipal de claridade e transparencia… en definitiva, crear unha web moderna e eficaz que poida converterse nunha ferramenta de traballo dende distintos puntos de vista”.
Mais navegando un intre pola páxina web axiña confirmamos que ningún dos obxectivos se está a cumprir (agás o de fomentar o turismo, que conta con sitio específico aparte). Esta páxina web non informa, nin é clara, nin é transparente, xa que conta con contradiccións, desactualizacións e omisións no contido das informacións, sen que a persoa usuaria coñeza que información é real e cal non, e cunha estrutura e deseño desorganizados e pouco funcionais.
Estes son algúns exemplos que evidencian a ineficiencia da páxina web do concello de Viveiro:
.Unha portada cunha estrutura e diseño que non favorecen a accesibilidade aos contidos municipais.
.Os menús están desestruturados e pouco ordenados.
.A ligazón da sede electrónica ten o certificado caducado. Semellando que a páxina estea hackeada, dando sensación de inseguridade.
.O responsive, que permite adaptar a páxina web para ser visualizada en dispositivos móbiles, non é o axeitado.
.Existen descuadres entre a versión móbil e a versión PC.
.No footer (parte inferior da páxina web onde se adoitan poñer o copyright, botóns para as redes sociais, etc….) existe unha miscelánea desordenada de ligazóns sen sentido ningún, como o programa das festas patronais do 2019, economía do plan de axuste, inscricións para a piscina, perfil do contratante… Ligazóns que deberían ir recollidos e ordenados na estrutura da web e non no footer.
.Existen botóns para as redes sociais Facebook, Twitter e G+, pero ningún botón redirixe a páxinas ou contas do concello. É máis, ao BNG de Viveiro non lle consta que o concello de Viveiro teña contas en Twitter ou G+. E curiosamente non existe botón para a canle do concello de Youtube.
.Case todas as ligazóns que redirixen ás distintas concellerías, describen as funcións e programacións das distintas áreas, pero non redirixen a un espazo que reúna información actualizada de cada unha (exemplo: novas, publicacións, etc)
Respecto do contido:
.No botón “concello” desglósase un menú co saúdo da alcaldesa (do 2015); composición política (actualizado o concelleiro non adscrito, e colocado antes do BNG rompendo a orde por número de votos da gráfica superior); situación e demografía (os datos demográficos máis actuais son do 2010); bandos (sen contido e pendente de actualizar); Tfnos e enderezos (faltan algúns, como os do CIM); Notas de prensa (desactualizada desde 2019).
.Existe información contradictoria. Na descrición do equipo de goberno, aparecen Emilio Villarmea Méndez a cargo dunha delegación especial (educación), César Iglesias Docal como concelleiro da área de deportes, e Victoria Baamonde Gómez noutra delegación especial (social). Con todo, na ligazón das concellerías, aparece Emilio Villarmea como concelleiro de deportes, no canto de César Iglesias. E Isabel Rodriguez López como concelleira da área social, cando non forma parte do equipo de goberno.
.O contido das concellerías está desactualizado desde 2015, e baleiro de contido nas áreas de medio ambiente, obras, medio rural, facenda, educación e mar.
Respecto ao concello dixital: están baleiras de contido as comisións de goberno; o período medio de pagos está desactualizado; ordenanzas desactualizadas desde 2018; actas dos plenos desactualizadas desde o 2018; actas da xunta de goberno desactualizadas desde o 2018.
.A axenda está totalmente baleira de contido podendo promocionar cando menos a actividade cultural do Teatro Pastor Díaz.
.Dificultoso e confuso acceder a un dos apartados máis importantes como é a Axenda Electrónica e as súas últimas actualizacións, tendo que navegar por numerosos apartados de dificil visualización como é: Entrar en “Concello Dixital”, seleccionar “Sede Electrónica”, abaixo e a dereita da páxina está o “Taboleiro de Anuncios” observándose completamente baleiro, mais logo se prememos no pequeno e ridículo “+” pódense ver as últimas actualizacións da Sede Electrónica. Moi díficil de intuir e de atopar para calquera persoa.
.Abraia ver como é do 6 de xuño de 2018 a última acta de pleno subida, sen acceso ás últimas actas nen sesións plenarias video-gravadas.
Por todo o anteriormente exposto, o grupo municipal do BNG solicita
1.Redeseñar a estrutura da páxina web oficial do Concello de Viveiro para convertela nun verdadeiro servizo público que ofreza información á veciñanza de forma atractiva, sinxela e intuitiva e coa máxima transparencia posible.
2.Empregar unha única dirección web do concello e incorporar o dominio .gal á web oficial, ás direccións electrónicas e á súa sede electrónica.
3.Facer a web oficial do concello accesible para persoas con diversidade funcional e de maior idade.
4.Manter a información dos contidos da web oficial do concello actualizada.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
