Lugo, 15 de febreiro de 2021. Ao longo e ancho da provincia pódese comprobar o estado de abandono no que se atopa moito do patrimonio da Deputación. Edificios en ruínas e instalacións pechadas que deberían de estar a pleno rendemento conforman un panorama que fala moi claro da deficiente xestión do bigoberno provincial, presidido polo socialista José Tomé. O grupo provincial do Partido Popular defenderá unha moción no próximo pleno para instar ao goberno a deseñar e executar un plan de recuperación, mantemento e posta en valor dos bens patrimoniais da Deputación, que terá que incluír un diagnóstico con información xenérica de cada inmoble, unha análise e avaliación da súa situación estrutural e riscos, en orden a priorizar inmobles a intervir e tipos de intervención; deberá incluír tamén un plan de conservación e restauración, un programa de execución do citado plan e un programa de mantemento, así como accións de difusión.
O portavoz provincial do PP, Javier Castiñeira, explica: “Vistos os acontecementos destes últimos meses, nos que a Deputación foi infelizmente protagonista de numerosos casos de pasividade na defensa do patrimonio provincial, o grupo popular vese obrigado a presentar unha moción para tentar cambiar a actitude do equipo de goberno neste sentido. A gota que colmou o vaso foi a demolición integral da Casa da Botica en Guitiriz, que estaba protexida; o goberno da Deputación converteuse en cómplice de tal despropósito ao non ter tomado ningún tipo de medida de protección a pesares dos avisos”. Castiñeira sinala: “Desgraciadamente ese non é un caso illado, dado que existen moitas edificacións sen uso nas que dun xeito ou outro a Deputación ten e tivo a potestade de mantelas. Isto é o que motiva esta moción que, aparte de expresar a preocupación xa manifestada, abre a posibilidade de crear un plan con financiación propia para levalo a cabo nos próximos anos”.
O portavoz popular destaca que “coa desaparición de Suplusa xa non hai escusas; a Deputación agora é a dona das propiedades e máis do remanente que posuía a empresa pública provincial, que, por outro lado sempre foi 100% da Deputación de Lugo. Este é o caso da Casona do Incio, semidestruída e abandona a pesares das peticións de veciños e da corporación municipal para que se arranxe, sen recibir contestación algunha favorable por parte do goberno provincial”.
Os populares indican que “o patrimonio provincial é amplísimo e xa non é que non estea ben conservado ou abandonado, coma nos casos antes citados, senón que hai moito no que se investiron fondos provinciais e que non están postos en valor pola desidia do goberno. Claros exemplos desta deixadez son as instalación fluviais en Quiroga, Chantada, Portomarín, Os Peares en Carballedo, etcétera; desgraciadamente están paradas e non están sendo aproveitadas, como veu denunciando o Partido Popular nos últimos anos”.
Castiñeira sinala: “Entendemos que debe deseñarse un plan que defina a totalidade do patrimonio e o seu estado actual e que prevea a corto e medio prazo un programa de recuperación e posta en valor, podendo ser financiado en parte cos case 4 millóns de euros que recibiu a Deputación de Lugo pola liquidación de Suplusa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
