Foz, 6 de febreiro de 2021. O Concello de Foz acaba de poñer en funcionamento cinco desfibriladores semiautomáticos para utilizar en caso de parada cardíaca e impartiu un curso sobre o seu uso para traballadores municipais.
A concelleira de Sanidade, Milagros Louzán, explica que o Concello “fixo este investimento en cardioprotección porque sabemos que pode salvar vidas. Os últimos estudos din que na provincia de Lugo falecen 300 persoas ó ano de morte súbita por parada cardíaca; e nestes casos cada minuto que pasa redúcese un 10 por cento a probabilidade de recuperación”. E lembra que “cando estaba na oposición o actual concelleiro de Comercio e Turismo, Chema Linares, redactou unha moción para transformación de Foz en espazo cardioprotexido. Cando redactamos o noso programa electoral reflectimos nel esta demanda porque queremos que o noso pobo chegue á taxa de 10 desfibriladores por cada 10.000 habitantes”.
Milagros Louzán engade: “ata agora no Concello de Foz dispoñiamos dun desfibrilador situado no Pavillón Torques, de Marzán, pero este aparato non estaba dado de alta, non contaba con vitrina, nin con sinaléctica, nin con todo o material funxible que a lei esixe para un aparato destas características. Ademais ningunha persoa contratada polo Concello tiña o curso para utilizalo en caso de emerxencia. Por outra banda Protección Civil conta con dous desfibriladores, pero a un deles falláballe a batería e ambos necesitaban dotación de material funxible e mochilas para gardalos axeitadamente. Entón nunha primeira intervención puxéronse a punto os que xa tiñamos: colocáronse a sinaléctica e a vitrina no Pavillón Torques, de Marzán, e repuxéronse todos os materiais funxibles necesarios. Con respecto ós desfibriladores de Protección Civil comprouse unha batería nova, repuxéronse os funxibles que faltaban e compráronse as mochilas para levar os desfibriladores e o material auxiliar. Por outra banda compráronse dous DESA (desfibrilador externo semiautomático) e todos os elementos que a lexislación vixente esixe para o seu rexistro (segundo xogo de parches, rasuradores, tesoira cortaroupa, kit guedel e xogo de gasas)”.
A concelleira de Sanidade tamén destaca que se impartiu o curso necesario para o uso do desfibrilador a traballadores do Concello, no que participaron a Policía Local e o encargado do Pavillón Torques, de Marzán. “Gustaríame salientar a boa disposición destes traballadores para asistir a este curso, tendo en conta que se celebrou o 28 de decembro pola tarde. Non só non se queixaron senón que mostraron en todo momento moitas ansias de facer o curso e axudar a salvar vidas. Cónstame que viviron moitas situacións de tensión con paradas cardiorespiratorias que tentaron reanimar e non todas acabaron cun final feliz. A todas elas e a todos eles quero transmitirlles a miña máis sincera admiración e o meu recoñecemento”.
En canto ao destino dos desfibriladores Milagros Louzán explica que “un deles será, obviamente, para o coche da Policía Local pois chega en moitos casos incluso antes que o 061 a situacións de parada cardiorespiratoria e recibiron o DESA como un auténtico regalo. O outro colocarase no Campo de Fútbol de Malates, aínda que, como é portátil, cando non haxa competicións neste campo poderase levar a outros eventos deportivos”.
Ademais a edil anuncia que “a intención deste goberno é seguir comprando DESA ata conseguir chegar á ratio de 10 desfibriladores cada 10.000 habitantes. Ademais consideramos de gran importancia a formación das persoas usuarias dos lugares onde están colocados estes aparatos. Queremos seguir impartindo cursos de formación nos que participen persoas responsables dos clubs deportivos do noso pobo. Coa actual situación COVID isto é complicado, pero estamos seguros de que todo pasará e que os clubs volverán adestrar; e nese momento nós proporcionarémoslles a todos os que queiran a formación para a utilización do DESA, esperando que nunca a teñan que poñer en práctica”.
Desde a Policía Local focense o xefe en funcións, Candido Lestegás, manifesta que “é unha ferramenta máis para mellorar a atención ao cidadán porque xa tivemos varios casos de xente que se esvaece na rúa e nós chegamos antes que a ambulancia en moitas ocasións. Somos case sempre os primeiros en chegar as emerxencias e por iso é de utilidade”.
E o presidente da agrupación local de Protección Civil, Santos Marqués, destaca que “no caso dunha persoa en parada cardíaca se temos un desfibrilador hai posibilidade de sacalo adiante e polo tanto a importancia é moita”.
O Concello de Foz puxo en funcionamento 5 desfibriladores para utilizar en caso de parada cardíaca e impartiu un curso sobre o seu uso para traballadores municipais
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
