Ribadeo, 29 de xaneiro de 2020. A Concellaría de Medio Ambiente instalou outro punto limpo de proximidade para a recollida selectiva de residuos na Avenida Rafael Fernández Cardoso. O edil Jorge Díaz lembrou que hai outros dous contedores deste tipo que nos tres últimos meses recolleron arredor de trescentos quilos de pequenos electrodomésticos, ademais doutros residuos como lámpadas fluorescentes, cartuchos e aerosois.
O concelleiro de Medio Ambiente explicou que “no núcleo urbano colocamos outro armario selectivo de residuos de todo tipo, entre eles aceite vexetal, fluorescentes, cartuchos, tóner, pinturas, pequenos electrodomésticos, cápsulas de café, pilas, cd´s, dvd´s, radiografías e aerosois”.
Díaz Freije lembrou que “xa estaban instalados outros dous. Un na entrada de Rosalía de Castro e outro no parque de San Francisco. Este que colocamos agora é outro armario selectivo en colaboración con Ascan, que é a empresa que fai a recollida selectiva en Ribadeo, e máis co Concello. Entón é outro aporte máis para que estes residuos non vaian a outro tipo de contedores nin estean por aí espallados, e darlle unha opción máis á cidadanía para que seleccionen mellor os residuos”.
O edil nacionalista subliñou que “do recollido, ata agora, neses dous armarios selectivos, hai arredor de trescentos quilos de pequenos electrodomésticos, bastantes aerosois, cartuchos, moitos fluorescentes e trinta ou corenta quilos de aceite vexetal. Todo isto nos tres meses, como moito, que levan funcionando, e ese foi un dos motivos polos que pensamos tanto a empresa como o Concello, en poñer outro punto limpo de proximidade máis. Está situado na Avenida Rafael Fernández Cardoso, na esquina, ao comezo do Xardín, para completar esa zona”.
Para Jorge Díaz “ese é un sitio visible que vai aportar máis cantidade de recollida selectiva. No Concello continuamos traballando para que os residuos sigan o seu tratamento normal e para que sexan tratados nas condicións idóneas”.
O Concello de Ribadeo instala un novo punto limpo de proximidade para a recollida selectiva de residuos na Avenida Rafael Fernández Cardoso
SeguinteEste venres as monitoras de Gaia, do Concello de Burela, deron unha charla aos alumnos de 4°de Primaria do CEIP Virxe do Carme, titulada O chan e o inodoro non son papeleiras nin contedores de lixo. Esta actividade formou parte das programadas para celebrar o Día Mundial da Educación Ambiental que tivo lugar o pasado martes, 26 de xaneiro
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
