Viveiro, 12 de xaneiro de 2021. A Policía Local de Viveiro estableceu e incrementou durante o Nadal dispositivos especiais de control e vixilancia das medidas para frear a propagación da COVID-19, e en ocasións, de maneira conxunta co Corpo Nacional de Policía.
Intensificouse a vixilancia en diversos sectores e ámbitos, en especial naquelas horas punta nas que se prevía aglomeración de persoas, e de cuxos resultados se informa á Subdelegación do Goberno e á Xunta de Galicia.
Durante o período do Nadal e ata o día 10 do presente mes levantáronse un total de 69 actas de denuncia: Restricións á mobilidade territorial (16 actas), agrupacións de persoas (8 actas), o uso da máscara (23 actas), fumar na vía pública sen garantir a distancia de seguridade (14 actas), consumo de alcol na vía pública (2 actas) e medidas na hostalería (6 actas), completan un resultado do labor policial nas datas de Nadal, aínda que a intensificación da vixilancia e dispositivos nas vindeiras datas continuarán marcando o principal labor da Policía Local.
O último suceso produciuse, nun operativo conxunto coa Policía Nacional este domingo, cando os axentes, grazas á colaboración veciñal, detectaron un establecemento de hostalaría aberto ao público con persoas no seu interior.
Nos establecementos de restauración, na actualidade, non está permitida a apertura do interior do local, soamente as terrazas, e nun aforo do 50%. A pesar diso, o establecemento en cuestión estaba aberto ás nove da noite, con oito persoas no seu interior, todas elas agrupadas e sen facer uso da máscara respiratoria. Procedeuse á formulación de todas as actas correspondentes e ao desaloxo do local.
A Policía Local quere lembrar que, tal e como indican as autoriadades sanitarias, este tipo de condutas supoñen un grave risco de contaxio para a propagación do virus Sars Cov-2.
A pesar de que os comportamentos xerais da poboación de Viveiro son de responsabilidade, quérese facer un chamamento á colaboración coa Policía e coas autoridades sanitarias no cumprimento das normas.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
