BURELA (FNC) ._ O barco museo Reina del Carmen formará parte da Asociación de Museos Marítimos Españoles, segundo ven de anunciar o concelleiro de Industria, Comercio e Turismo, José González Legazpi.
O edil nacionalista di que “resulta evidente que non chega con que os recursos turísticos e culturais dun Concello existan, senón que deben valorizarse constantemente para dotalos da necesaria importancia, recoñecemento e singularidade. Dende este posicionamento a Delegación de Turismo do Concello de Burela ven traballando de forma intensa e constante e así, se o pasado ano 2008 o barco museo Reina del Carmen recibía a súa catalogación museística por parte da Consellería de Cultura da Xunta e recentemente formaba parte do Proxecto Fénix levado a cabo pola Sociedade Galega de Educación Ambiental, e mesmo tiña presenza nos medios informativos e formativos de ámbito nacional e internacional, sendo tamén recentemente integrado no proxecto de Turgalicia denominado Turismo Mariñeiro, conforme a ese traballo de valorización constante que se esta a desenvolver dende a Delegación de Turismo, compre logo agora informar da súa inclusión na Asociación de Museos Marítimos Españoles”.
González Legazpi explica que “o proxecto que se está a realizar dende o Museo Marítimo de Barcelona para o seu desenvolvemento dende a Asociación de Museos Marítimos Españoles representa unha nova posibilidade de potenciación do turismo vinculado ao coñecemento e goce dentro do ámbito de transcendencia mariñeira. De tal xeito que resulta positivo e interesante para o Concello de Burela, en tanto que xerará con toda seguridade novas posibilidades de turismo, condicións de coñecemento e incluso a práctica do medio mariñeiro de acordo cos recursos do noso Concello”.
O concelleiro de Turismo engade que “o Concello de Burela avanza de forma significativa na súa consecución de destino turístico dentro da comarca da Mariña, e a inclusión do barco museo Reina del Carmen no programa do Museo Marítimo de Barcelona e na Asociación de Museos Marítimos Españoles, afianza estas condicións de influencia e potenciación. En definitiva dende o Concello de Burela estanse a valorizar os recursos de forma determinante e aplicando as máximas condicións de desenrolo porque son estes os parámetros que nos están dando referencias positivas e os que nos traerán sen dúbida potencialidade turística e cultural e por conseguinte desenvolvemento socioeconómico”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
