BURELA (FNC) .- A concelleira de Benestar Social e o alcalde de Burela ofreceron esta mañá unha recepción aos representantes de Ceprode, unha ONG que traballa no Perú. Con eles intercambiaron experiencias en materia de igualdade.
Neves Cando explicou que “hoxe recibimos no Concello de Burela, dentro do programa de actos da visita ao norte organizada polo Fondo Galego de Cooperación e Solidariedade, a unha delegación integrada polo director financeiro de Ceprode (Centro de Promoción do Desenvolvemento e a Educación), Óscar Pedro Almendáriz e pola alcaldesa de Altavillos Alto na provincia peruana de Huaral, Rosario Huamán. O Ceprode é unha ONG peruana coa que o Fondo Galego traballa desde o ano 2004 entorno ao desenvolvemento local e rural das comunidades andinas na provincia de Huaral. Esta visita, na que tamén participaron representantes do Fondo Galego e do Instituto Galego de Análise e Documentación Internacional, permitiunos coñecer de primeira man o traballo que cos recursos aportados entre todos se está a realizar nos países do sur, tal e como xa se produciu o ano pasado coa visita de representantes de Cabo Verde, participantes nestes proxectos de cooperación”.
A edil nacionalista sinalou que “os representantes de Perú presentáronos os traballos xa feitos e os proxectos de futuro que se van desenvolver para continuar a xerar redes de solidariedade entre Galicia e Perú. O Fondo Galego coas axudas aportadas polas distintas institucións municipais, entre as que se atopa o Concello de Burela, as deputacións e Xunta de Galicia está levando a cabo proxectos solidarios en Perú desde o ano 1998 con iniciativas que van desde a instalación de auga potable e servizos hixiénicos, emisoras de radiocomunicación, asistencia médica e cirúrxica gratuíta ata a reconstrución das áreas devastadas polo terremoto de agosto de 2007 e a construción dun módulo educativo integral para nenos e nenas de 4 anos. E agora neste 2010 a colaboración entre o Fondo Galego e o Ceprode da un paso máis na consecución do desenvolvemento sustentable e a erradicación da pobreza decidíndose a focalizar un obxectivo prioritario arredor da formación da muller andina na procura da igualdade de xénero. Deste xeito o responsable do Ceprode presentounos o proxecto xestión do desenvolvemento sustentable con enfoque de xénero en municipios rurais andinos que se está a levar adiante este ano”.
Cando suliñou que “ademáis de servir esta xuntanza para a presentación deste proxecto tamén propiciou o intercambio de experiencias entre nós, como Concello de Burela e a alcaldesa peruana en materia de igualdade e tamén serviu de canle de enlace coa comunidade peruana asentada no noso pobo da cal unha representación estivo neste acto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
