Viveiro, 20 de decembro, 2020. A parella, residente en Laponia, visitou a vila para supervisar as actividades de Nadal e gravar un vídeo para todos aqueles nenos nenas que decidan participar na gincana ‘tras os pasos do Elfo’ e deixar as súas cartas no buzón situado no Hall do Teatro Pastor Díaz.
O vídeo, ideado e dirixido pola concelleira de cultura Lara Fernández Fernández-Noriega, foi gravado en colaboración con BL Eventos que se encargou da caracterización das personaxes e a colaboración altruísta de Guillermo Barreiro Suárez que se encargou da gravación e montaxe da peza audiovisual.
Desde a delegación de cultura remarcan que ‘este ano dadas as dificultades para realizar eventos multitudinarios, a delegación de cultura decidiu apostar por accións que puidesen chegar a todos os nenos e nenas de Viveiro a través da Internet para que non perdan a ilusión e seguir fomentando a maxia do Nadal”
Con este motivo desenvolvéronse dous proxectos dixitais ‘Postais Reais’ e ‘Tras os pasos do Elfo’:
Postais Reais é un portal para enviar as cartas aos Reis Magos que ten como peculiaridade que todas as misivas que cheguen antes do 28 de decembro obterán unha resposta por parte das Súas Maxestades Os Reis Magos de Oriente. Quen o desexe pode participar a través da web www.postaisreais.com
Tras os pasos do Elfo é unha xincana que mestura o dixital e o analóxico e que levará aos participantes a través dun percorrido polas rúas de Viveiro ata o o Buzón de Papá Noel. O xogo consta de 6 probas que inclúen puzzles, quebracabezas, xogos de memoria, obxectos ocultos etc. O acceso a cada porta farase a través dun código que os participantes atoparán en distintos lugares de Viveiro. O mapa da acción sairá publicado na web www.ospasosdoelfo.com o vindeiro luns 21 de decembro. O Buzón de Papá Noel, creado para a ocasión pola Asociación de Comerciantes Casco Histórico de Viveiro en substitución da tradicional casiña de Papa Noel, estará situado na meta da gincana, Hall do Teatro Pastor Díaz, onde un par de Elfos recibirán aos nenos e nenas que queiran achegar as cartas cos agasallos de Nadal desde o luns 21 de decembro a partir das 17:00 horas e ata o 24 de decembro en horario de 11:00 a 13:00 e de 17:00 a 20:00.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
