Foz, 19 de decembro, 2020. A concelleira de Xuventude e Deportes, Gema Méndez Leivas presentou o programa DIVERFOZ para estas datas de Nadal,
Levamos meses cunha situación epidemiolóxica que provoca que non poidamos realizar algunhas das actividades habituais, pero desde a Delegación de Xuventude e Deporte non renunciamos a ofertar programas como Aberto x Vacacións ou as Escolas Deportivas Municipais.
A organización e desenvolvemento destas actividades supón un esforzo e responsabilidade maior, pero cremos que o deporte, así como o desenvolvemento persoal e social na infancia e na mocidade, é esencial para o presente, pero tamén para o seu futuro. Por este motivo, a pesar da complexa situación, continuamos co reto de ofrecer actividades que agardamos sexan atractivas e nas que poñemos moita ilusión.
O programa DIVERFOZ que presentamos para estas datas, vai dirixido a mozos/as a partir de 8 anos. Mestura o ocio e o deporte, sempre contando con protocolos de prevención de contaxio da Covid19. Desexamos que a mocidade goce, practique deporte, de forma segura.
Este programa é unha mostra do que é Foz: aberto, vivo, divertido. O virus é todo o contrario, e queremos mantelo a raia, contando con todas as medidas de prevención nun protocolo que contempla todas as actividades que compoñen DIVERFOZ, que son:
Combate láser: practicamos deporte nos xardíns da Praza Conde de Fontao a tarde do 26 de decembro. En equipos de 3 persoas correremos e desenvolveremos estratexias para que os/as contrincantes non nos capturen co seu láser.
Futbolín humano: no Campo da Cabana, durante todo o 29 de decembro, imitaremos ás figuras do futbolín, limitando os nosos movementos. En equipos de 3 persoas, teremos que tirar de estratexia e habilidade, porque desta vez, non poderemos correr.
Super deslizador: na Praza Conde de Fontao deslizarémonos en donuts por rampas que chegan aos 7 metros. Veremos o porto a vista de paxaro, antes de gozar da divertida baixada. Haberá quendas para todos/as porque o superdeslizador estará o 2 e o 3 de xaneiro en xornada de mañá e tarde. Poderás pasar por alí e pedir quenda. A monitora informarate da hora á que debes estar alí.
Basket street: o CB Celtas colaboran neste programa cun circuíto de habilidade e tiro para a mañá do 4 de xaneiro, na Praza de Galicia. Xa sabemos das ocurrencias dos Celtas, polo que seguro será moi divertido.
Todas as actividades requiren inscrición previa, excepto o Super deslizador. E para que sexa sinxelo, tan só se deberá remitir os datos persoais do equipo (para combate láser e futbolín) ou da persoa interesada en participar (basket street) ao correo electrónico: diverfoz@concellodefoz.es ou a través de mensaxe directa ao perfil do Concello de Foz nas redes sociais Facebook, Twitter e Instagram. Despois serán informados/as do horario no que participan e as medidas de seguridade.
Neste Nadal, compra, goza da nosa hostalaría e DIVERFOZ.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
