Viveiro, 18 de decembro de 2020. O Concello de Viveiro presentou hoxe unha innovadora campaña de compostaxe doméstica dirixida á veciñanza e os centros educativos.
O proxecto, que forma parte da iniciativa #ViveiroSustentable, levará composteiros ás casas de Viveiro e formará ás familias interesadas. Apuntarse ao programa é gratuíto e tamén chegará a catro centros educativos.
Este proxecto axuda a acadar os Obxetivos de Desenvolvemento Sustentable e o compromiso adquirido polo Concello de Viveiro de redución de CO2 no seu Plan de Acción para o Clima e a Enerxía Sustentable, aprobado o mes pasado polo Pleno Municipal.
A alcaldesa de Viveiro, Maria Loureiro, está remitindo cartas aos veciños e veciñas para animalos a inscribirse no proxecto de compostaxe doméstica, implicando así á veciñanza na loita contra o cambio climático.
“O noso modo de vida ten como consecuencia a xeración de moitos residuos e un dos retos importantes aos que se enfronta a nosa sociedade é levar a cabo unha xestión dos mesmos respectuosa e sostible co medio ambiente; temos que implicarnos todos e todas na xestión do lixo, facéndoa máis responsable na correcta recollida selectiva e na redución na xeración de residuos”, asegurou na rolda de prensa María Loureiro.
“A compostaxe é a alternativa de tratamento máis sostible ambientalmente da fración orgánica do lixo que, no Concello de Viveiro, supón o 42% dos 462 quilogramos que xera de media ao ano un cidadán do noso concello”, engadiu a alcaldesa de Viveiro.
O Concello de Viveiro pretende con esta aposta pola compostaxe que os residuos orgánicos xa non cheguen aos colectores da rúa, pechando así o ciclo da materia nos propios fogares. Así mesmo, traballarase con catro centros educativos que dispoñan de comedor e horto ou zona verde.
A iniciativa, con financiación europea, conta co apoio da Consellería de Medio Ambiente e Ordenación do Territorio e prolongarase 11 meses. Durante ese tempo mestres composteiros visitaran as familias para facer un seguimento dos composteiros e dar unha formación continua a cidadanía.
Para participar de forma gratuíta no programa é necesario completar un formulario (https://cutt.ly/yhO5rrF) ou enviar un correo electrónico a viveirosustentable@mediagesgm.com. Unha vez inscritas, as familias serán convocadas a xornadas de formación neste mes de decembro e recibirán nas súas casas un composteiro antes da visita do mestre composteiro.
O único requisito para formar parte deste programa é ser veciño/a do Concello, ter un pequeno xardín ou terreo e estar disposto/a e motivado/a para formar parte deste proxecto educativo e formativo.
O Concello de Viveiro pon en marcha unha innovadora campaña de compostaxe doméstica para a veciñanza e os centros educativos
Relacionado
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
