Mondoñedo, 14 de decembro, 2020. Miguel Cavadas Docampo, veciño de Vigo, foi o gañador do XXI Premio de Poesía Díaz Jácome para novos creadores, convocado polo Concello de Mondoñedo en colaboración coa Área de Cultura da Deputación Provincial de Lugo. O traballo presentado polo gañador, que obterá un premio de 1500 €, placa e diploma, ten por título Adagio.
O xurado destacou nos versos de Adagio a súa capacidade para “formular unha estética que abala entre o evocativo e o amatorio, chea de imaxes sorprendentes e atrevidas, que xoga habilmente coa mestura de referencias cultas e imaxes cotiás para facer avanzar unha historia fondamente pasional”.
O segundo premio, dotado con 600 €, placa e diploma, recaeu na obra Catro notas arredor desta caixa para despois, da que é autor Quico Valeiras, do Carballiño.
Neste caso, o xurado sinalou que en Catro notas arredor desta caixa para despois “salienta a súa habelencia para crear un diálogo feraz con referentes da poesía galega actual como Chus Pato ou Luz Pichel, conseguindo construír un artefacto literario inzado de ecos e resonancias no que o verso está ao servizo da intervención social e desdebuxa os lindes entre o lírico e o ensaístico”.
Adrián Maceda Fernández acadou o 3º premio, dotado con 300 €, placa e diploma, coa obra Cinco anticipacións a un corazón caído. Adrián Maceda é do Saviñao.
Respecto de Cinco anticipacións a un corazón caído o xurado estimou “a incorporación dos códigos do amor cortés e doutros referentes da tradición para actualizalos nun novo territorio amoroso inzado de imaxes delicadas e asemade ousadas nas que as alusións metapoéticas tamén son frecuentes”.
A entrega do Premio terá lugar o vindeiro sábado 19 de decembro a partir das 11.15 horas da mañá segundo o seguinte programa:
Ás 11.45 horas; Recepción oficial na entrada do Auditorio Municipal Pascual Veiga.
Ás 12.00 horas; Entrega de Premios do XXI Certame de Poesía Díaz Jácome no Auditorio Municipal Pascual Veiga.
Manteranse as normas aprobadas polas autoridades en canto ao aforo e medidas sanitarias en relación coa situación actual de pandemia provocada pola COVID-19.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
