O camiño post-covid, máis ben coa Covid controlada, que está a marcar a Unión Europea é o horizonte dunha Europa totalmente verde e respectuosa co medio, no que as persoas sexan o centro da acción política e da xestión e na que a acción sobre a sociedade vai ir moito en relación a campos formativos aínda por descubrir. Neste senso dúas son as cuestións importantes: a formación e sentar as bases sobre as que a economía ten que xirar 180 grados e optar por un sistema produtivo novo e diametralmente oposto ao actual coa base en combustibles fósiles. Moito me temo que no relativo a Galicia este cambio de paradigma non esta reflexado nos orzamentos do Estado, xa non pola baixa temeraria do 11%, dos xa baixos de 2018, nin porque sexan os peores dos últimos 15 anos. A realidade é que os 832 millóns que o Estado vai investir en Galicia, non inciden en nada estratéxico para nós, polo cal chegará o tan ansiado Ave, mais Galicia perdera novamente o tren europeo, co aplauso do PSdG PSOE.
No tema formativo, asalta a dubida sobre se as universidades galegas son quen de adaptarse ao novo mundo que chega, imos ver por onde van os pasos, pasos que aínda non se iniciaron. Podo acoller con cautela, mais con optimismo a existencia de dúas propostas de universidade privada, CESUGA e ABANCA, na boa lóxica de que dúas iniciativas modernas poden ser forza tractor que tamén beneficie e impulse a modernidade da universidade pública galega. Eu evidentemente aposto pola pública de calidade sendo consciente de que dúas privadas poden facer de Galicia un polo formativo de primeiro orde en España.
A eiva é que algúns pretenden xa a descalificación da iniciativa, por cuestións de ideoloxía, transformándoa nunha loita Coruña-Vigo, xa non norte e Sur. Facendo un dano enorme á cohesión do noso territorio e á realidade do mesmo, aquí é onde a Xunta de Galicia ten un factor regulador. As iniciativas de universidade privada non poden e non deben so atinxir a Coruña e Vigo, a realidade de Galicia é moito máis e a Xunta ten que obrigar a reflexar a cohesión territorial tamén con Lugo e Ourense evitando así que os dogmáticos de sempre teñan a tentación de espertar vellos pantasmas.
Mesmo algunha comarca pode saír beneficiada, porque non neste momento unha dotación universitaria privada en Mondoñedo ou mesmo en Verín? medios teñen estas dúas vilas e se a oferta formativa é boa pode atraer riqueza e benestar a todo o territorio. O certo é que se Galicia quere ser forte en Europa non debemos ter o luxo de desbotar iniciativas formativas de alcance e calidade, aínda que sexan privadas. É máis se son privadas acaso non é unha maneira de redistribuír a riqueza destes empresarios? Non colle pois a ideoloxía dogmática, o que precisamos é defender a mellor pública e respectar a privada no tema das universidades.
Piñeiro Docampo, Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
